27 naýryzda Qyzylorda oblysynyń Jalaǵash aýdanynda MI-8 tikushaǵynyń qulap, 13 adam qaza tapqan bolatyn. Apatqa ushyraǵan tikushaqta Batys Qazaqstan oblysynyń týmasy kapıtan Syrym Másálim de boldy. 29 jastaǵy áskerı qyzmetker Syrym aýdanynyń Araltóbe aýylynda týǵan, sondaı-aq onyń artynda 3 balasy qaldy dep habarlaıdy Qamshy.kz aqparat agenttigi Habar 24 saıtyna silteme jasaı otyryp.
Syrym Másálim — Aqtóbe áýe qorǵanys kúshteri áskerı ınsıtýtynyń túlegi. Marqumnyń artynda jary men 3 jasar uly qaldy. Syrym — otbasyndaǵy kenje ul. Eki ápkesi men aǵasy bar. Ata-anasy qazir Oral qalasynda turady. Ákesi Málkeı ulymen sońǵy ret keshe kúndiz telefon arqyly sóıleskenin aıtady.
Málkeı Imanǵalıev, Syrym Másálimniń ákesi: Áli senbeı turmyn, balam joq dep. Degenmen, Qarýly Kúshter Departamentinen kelip ketti jańa, 13 adam qaıtys bolǵanyn aıtty, sonyń ishinde sizdiń de balańyz bar dedi. Balam mektep bitirgende ózi armandaǵan Talǵat Bıgeldınov atyndaǵy áskerı ınstıtýtqa túsken. 2007-2011-de bitirip, Aqtaýǵa jiberildi. - deıdi.
Usynǵan: Farıza Jomartqyzy
