Tanymal reseılik kompozıtor Igor Krýtoı Dımash týraly pikir bildirdi dep jazady Qamshy.kz aqparat agenttigi. Ol óz karerasynda buryn-sońdy Dımashtaı ánshi bolmaǵanyn aıtty. 

"Ol – kosmos bala. Meniń kareramda Dımashtaı ánshi bolmaǵan", - dep pikir bildirdi Igor Krýtoı. 

Al Dımash bolsa Máskeýdegi konsertten keıin Igor Krýtoıǵa alǵys aıtýdan sharshaǵan emes. Sondaı-aq Dımashtyń kezekti beınebaıanynyń qashan shyǵatyny da belgili boldy. 

Igor Krýtoıdyń aıtýy boıynsha, "Sharshaǵan aqqýlar mahabbaty" ánine túsirilgen beınebaıan 10-15 sáýir aralyǵynda kórermenge jol tartady. 

"Búdjet jaǵynan da, sapa jaǵynan da alyp qaraǵan kezde, mundaı beınebaıan sońǵy 5 jylda bolmaǵan. Bul — "bomba" bolady dep oılaımyn", - deıdi Igor Krýtoı.

Eske salsaq, 8 naýryzda Dımashtyń "Aqqýym"  ánine túsirilgen beınebaıan jaryqqa shyqqan bolatyn. Qamshy.kz aqparat agenttigi "Sharshaǵan aqqýlar mahabbaty" ánine túsirilgen beınebaıandy da alǵashqylardyń biri bolyp jarıalaıtyn bolady. 

Aýdarǵan: Ásel Bolatqyzy