QR prezıdenttigine kandıdatqa qoıylatyn talaptar ózgertildi. 2017 jyly "Saılaý týraly" zańǵa túzetýler engizilgen soń kandıdatqa qoıylatyn talap kúsheıtildi – úmitkerdiń ózin ózi usynýyna tyıym salyndy dep habarlaıdy Qamshy.kz aqparat agenttigi Azattyq radıosynyń deregin negizge ala otyryp.
Qazaqstan prezıdenttiligine kimder úmitker bola alady?
— Týmysynan qazaq azamaty
— 40 jasqa tolǵan
— Qazaqstanda sońǵy 15 jyl boıy turatyn
— Keminde 5 jyl memlekettik qyzmet atqarǵan
Prezıdenttikke kandıdatty kimder usyna alady?
2017 jyldan bastap tek Respýblıkalyq qoǵamdyq birlestik:- saıası partıa, - úkimettik emes uıym usynady
Ózin-ózi usynýǵa bolmaıdy
Ortalyq saılaý komısıasy tirkegenge deıin úmitker mynalardy tapsyrýǵa mindetti:
— Kandıdatty usyný týraly qoǵamdyq birlestik jıyny hattamasynyń kóshirmesi
— Medısınalyq tekserý qortyndysy
— Saılaý jarnasy: 2 125 000 teńge (shamamen $5622, $1 =378
Eger kandıdat:
— prezıdent bolyp saılansa
— saılaýshylardyń keminde 5 paıyzy oǵan daýys berse
— qaıtys bolǵan jaǵdaıda
saılaý jarnasy qaıtarylyp beriledi
— Tabysy men múlki týraly deklarasıa
— Kandıdat ózin qoldaıtyn saılaýshylardan keminde 91010 qol jınap ótkizýge
— Memlekettik tildi (qazaq tilin) biletinin rastaıtyn emtıhan tapsyrýǵa mindetti
(Eger bılik ókileti aıaqtalatyn prezıdent taǵy da saılaýǵa túsip jatsa, ol emtıhan tapsyrmaıdy)
Eger azamat:
— OSK talaptaryna saı kelmese
— Qujatty belgilengen merzimde tapsyrmasa
— Zańdy buzsa (1.saılaýaldy úgitti kandıdattardy tirkeý aıaqtalmaı turyp, daýys berýge bir kún qalǵanda jáne daýys beretin kúni júrgizý, 2.Jalǵan málimetter berý, ózge kandıdattyń ar-namysyn qorlaıtyn aqparat taratý, 3. Saılaýshylardy satyp alý) bul ony tirkeýden bas tartýǵa negiz bola alady.
Prezıdent saılaýynda daýys berýge qatysqan saılaýshylardyń jartysynan astamy qoldaý bildirgen kandıdat jeńiske jetedi. Eger kandıdattardyń eshbiri jeńiske qajetti daýysty jınaı almasa, ózgelerden artyq daýys jınaǵan eki kandıdat qaıta saılaýǵa túsedi.
Usynǵan: Farıza Jomartqyzy
