Bul týraly «Nur Otan» partıasy Tóraǵasy Birinshi orynbasarynyń Aqtóbe oblysyna sapary kezinde belgili boldy.

Sapar barysynda Máýlen Áshimbaev Qobda aýdanyna arnaıy baryp, Elbasy partıanyń kezekti XVIII sezinde anyqtap bergen «Aýyl – el besigi» jáne «Qutty meken» áleýmettik jobalary aıasynda atqarylǵan jumystarmen tanysty.

Atap aıtqanda, ol Qobda aýylyndaǵy dene shynyqtyrý jáne saýyqtyrý kesheninde boldy. Zaman talaptaryna saı salynǵan bul sport nysanynda baseın, fıtnes jáne jattyǵý zaly, fýtbol, voleıbol, basketbol alańdary bar.

Sondaı-aq partıa Tóraǵasynyń Birinshi orynbasary I.Taımanov atyndaǵy Qobda gımnazıasyna at basyn buryp, aýdannyń «Rýhanı jańǵyrý» jobalyq keńsesinde, partıalyq jobasy aıasynda ashylǵan İT-synypta jáne mektep asqanasynda boldy.

Odan bólek, kásipkerlikke bet burǵan belsendi aýyl jastarymen kezdesken Máýlen Áshimbaev eldiń bolashaǵy jas býynnyń qolynda ekenin aıtty.

– Jastar armanshyl bolýy kerek. Kózdegen maqsatqa jetý úshin qajyrly eńbek pen tabandylyq qajet. Elbasy jastardyń zamanǵa saı damýyna barlyq jaǵdaıdy jasap berdi, – dedi partıa Tóraǵasynyń Birinshi orynbasary.

Sonymen birge Máýlen Áshimbaev Aqtóbe qalasyndaǵy erekshe talaptardy qajet etetin jandarǵa arnalǵan «Coworking space» ortalyǵynda boldy. «Kedergisiz keleshek» partıalyq jobasy aıasynda ashylǵan bul ortalyq múmkindigi shekteýli jandarǵa qyzmet kórsetedi.

Ortalyq jumysyn úılestirýshi, «Alash» múgedekter qoǵamynyń tóraǵasy Álibek Eleýsizovtiń aıtýynsha, munda múmkindigi shekteýli jandardyń shyǵarmashylyqpen aınalysyp, óz múmkindikterin damytýǵa jáne túrli áleýmettik jobalardy júzege asyrýǵa qajetti barlyq jaǵdaı jasalǵan. Budan basqa, ortalyqta qamkóńil jandardyń bos ýaqyttaryn tıimdi ótkizýlerine arnalǵan kitaphana jumys isteıdi. Tipti shahmat, toǵyzqumalaq, doıby oınap, mýzykalyq aspaptarmen kóńil kóterýge de mol múmkindik bar.

Mundaı ortalyqtardyń kez kelgen qoǵam úshin mańyzy zor ekenin aıtqan partıa Tóraǵasynyń Birinshi orynbasaryelimizde múmkindigi shekteýli jandar úshin «kedergisiz orta» qalyptastyrý Elbasynyń tikeleı tapsyrmasy ekenin jetkizdi.

– «Nur Otan» partıasy bul salada múmkindigi shekteýli jandardyń ınklúzıvti bilim alýyna, olardyń jumysqa ornalasýyna, saıası-qoǵamdyq is-sharalarǵa belsene qatysýyna jáne qoǵamda kedergisiz orta qalyptastyrýǵabaǵyttalǵan naqty basymdyqtar boıynsha jumys isteýde. Bul iste Aqtóbede ashylǵan osyndaı ortalyqtardyń tıgizer áseri mol. Sondyqtan ony elimizdiń barlyq óńirine úlgi retinde kórsetemiz, – dedi Máýlen Áshimbaev.

Aıta keteıik, «Nur Otan» partıasy Tóraǵasynyń Birinshi orynbasary sapar barysynda «Halyqqa kómek» jáne «Baqytty otbasy» jobalary boıynsha da óńirde qolǵa alynǵan jumystarmen tanysty. Atalǵan áleýmettik jobalardy Elbasy, partıa Tóraǵasy Nursultan Ábishuly Nazarbaev partıanyń kezekti XVIII sezinde anyqtap, naqty tapsyrmalar bergen bolatyn.