–Birqatar mınıstrler, jýrnalıser men blogerlerdiń  quramyndaǵy jumys tobynyń Aqmola oblysyna  issapary jalǵasýda dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

2019 jylǵy 29 naýryzda Premer-Mınıstrdiń orynbasary G.N.Ábdiqalyqovanyń basshylyǵymen Eńbek jáne halyqty áleýmettik qorǵaý mınıstri B.M. Saparbaevtyń, Bilim jáne ǵylym mınıstri K.N. Shámshıdınovanyń, Densaýlyq saqtaý mınıstri E.A. Birtanovtyń, Qurylys jáne turǵyn-úı komýnaldyq sharýashylyǵy komıtetiniń tóraǵasy M.Jaıymbetovtyń, «Nur Otan» partıasynyń hatshysy F.Qýanǵanovtyń, «Atameken» UKP basqarmasy tóraǵasynyń orynbasary  L.Ramazanovanyń, jýrnalıser men blogerlerdiń  quramyndaǵy jumys tobynyń Aqmola oblysyna  issapary jalǵasýda.

Shýchınsk qalasynyń Joǵary pedagogıkalyq kolejiniń jastarymen kezdesý barysynda Vıse-premer Jastar jylyn ótkizý jónindegi jol kartasy sheńberinde 5 negizgi baǵyt boıynsha 80-nen astam is-shara iske asyrylýyna asa nazar aýdardy. Olar  jastardy turǵyn úımen, jumyspen qamtýdy, bilimdi damytýdy, volonterlikti, ǵylymı granttar berýdi, áleýmettik belsendilikti keńeıtýdi, jas otbasyn, densaýlyqty jáne áleýmettik ınklúzıvtikti qoldaýdy qamtıdy.

Búgingi kúni kolejde «Mektepke deıingi bilim», «Mektepke deıingi tárbıe jáne oqytý», «Dene shynyqtyrý jáne sport», «Kásiptik oqytý», «Mýzykalyq bilim»,  «Negizgi orta bilim» mamandyqtary boıynsha 1 myńnan astam stýdentter bilim alady. Jumyspen qamtý úlesi 97% quraıdy. Stýdentter memlekettik jastar saıasatyna qoldaýdy bildire otyryp kreatıvtik usynystary men pikirlerin bildirdi.

Sondaı-aq Býrabaı aýdanynyń Kenesary aýylynyń, Birjan aýdanynyń Makınka aýylynyń jáne Býlandy aýdanynyń  Altyndy aýylynyń halqymen kezdesýler ótkizildi.

"Árbir baǵytta ólshemdi kórsetkishter, tetikter jáne osyǵan arnaıy bólingen qarajattar bar. Naqty jáne anyq sharalar qamtylǵan. Olar halyqtyń áleýmettik áljýaz tobyn qorǵaýdy kúsheıtýge, sondaı-aq olardyń ál-aýqatyn arttyrý úshin barlyq múmkindikter men jaǵdaılardy usynýǵa múmkindik beredi. Azamattardyń ál-aýqaty olardyń qolynda. Eńbekke jaramdy árbir azamat eńbek etýge mindetti. Al fızıkalyq nemese basqa da sebepter boıynsha jumys isteýge jaǵdaıy joq adamdarǵa memleket áleýmettik qoldaý kórsetedi" – dep atap ótti Gúlshara Ábdiqalyqova.

Osy aýyldarda Premer-Mınıstrdiń orynbasary kópbalaly jáne az qamtylǵan otbasylardyń úılerin aralady. Mektep jasyndaǵy 4 balany tárbıelep-ósirip otyrǵan Tilek Tólegenniń otbasyna erekshe nazar aýdaryldy. «Eńbek» nátıjeli jumyspen qamtý jáne kásipkerlikti damytý baǵdarlamasy sheńberinde  2 mln. 200 myń teńge mıkrokredıt alyp, ol 10 iri qara mal satyp alǵan. Aýyldyq bıznesmen óz otbasyn qamtamasyz etý qana qoımaı, jańa jumys oryndaryn quryp otyr.

Gúlshara Ábdiqalyqova oblys basshylyǵyna osyndaı tabysty úlgini odan ári jalǵastyrýdy tapsyrdy.

Jumys tobynyń basqa da músheleri Aqmola oblysynyń aýdandary men aýyldaryna bardy.

Bilim jáne ǵylym mınıstri  K.N. Shámshıdınova birqatar bilim berý uıymyna, onyń ishinde «Aısha» jáne «Baldyrǵan» balabaqshalaryna, IT-lıseıge, Sh. Ýálıhanov atyndaǵy Kókshetaý memlekettik ýnıversıtetine, Kókshetaý qalasynyń Joǵarǵy tehnıkalyq kolejine, Chaglınka a. Joǵarǵy agrotehnıkalyq kolejine, Zerendi a. M. Ǵabdýllın atyndaǵy mektep-ınternatqa, Aqkól balalar úıine bardy.

2018 jyly Memleket basshysynyń tapsyrmasymen atestattaýdyń jańa júıesi boıynsha sanatyn rastaǵan jáne jańa bilim berý mazmuny boıynsha jumys isteıtin muǵalimderdiń jalaqysy 30-50%-ǵa arttyryldy. Maýsymnan bastap mektepke deıingi mekemelerdiń tárbıeshileriniń, tárbıeshilerdiń kómekshileriniń jalaqysy saralanǵan túrde 30%-ǵa arttyrylady. 

Aqmola oblysynda úsh aýysymdyq oqytý máselesin sheshý úshin 7 obekt jáne oqý oryndarynyń jetispeýshiligin tolyqtyrý úshin 1 obekt salynýda. Bıylǵy jyly 280 orynǵa shaqtalǵan 1 balabaqshany paıdalanýǵa berý, 1075 orynǵa eseptelgen mektepke deıingi uıymdy ashý jáne qazirgi 120 oryndy keńeıtý josparlanyp otyr.

Respýblıkalyq búdjetten 8,2 mlrd. teńgege 7 obekt salynýda. Onyń ishinde 2 obekt 2019 jyly paıdalanýǵa beriledi dep josparlanýda.

Densaýlyq saqtaý mınıstri E.Birtanov jumys sapary sheńberinde Bulandy, Eńbekshi, Stepnogorsk jáne Aqkól aýrýhanalarynyń medısına qyzmetkerlerimen kezdesti. Densaýlyq saqtaý salasynyń qyzmetkerleri medısınalyq-sanıtarıalyq alǵashqy kómektiń sapasy men qoljetimdiligin joǵarylatý, jalaqyny arttyrý, salany sıfrlandyrý jáne t.b. boıynsha qabyldanyp jatqan sharalar týraly túsinikteme berildi.

«Nur Otan» partıasynyń hatshysy Farhad Qýanǵanov Esil jáne Astrahan aýdandarynyń turǵyndarymen kezdesý barysynda Elbasy N.Á.Nazarbaev «Nur Otan» partıasyna 4 jobany: ınjenerlik jáne áleýmettik ınfraqurylymǵa basty nazar aýdarylatyn «Qutty meken», aýyldyq jerlerdi damytýǵa baǵyttalǵan «Aýyl – El besigi», az qamtylǵan jáne kóp balaly otbasylardy qoldaýdy kózdeıtin «Baqytty otbasy» jobalaryn jáne partıanyń Qoǵamdyq qabyldaý bólimderi bazasynda halyqtyń áleýmettik turǵydan qorǵalatyn toptaryn qoldaýǵa baǵyttalǵan «Halyqqa kómek» biryńǵaı áleýmettik terezesin iske qosýdy tapsyrǵanyn atap ótti.

Sondaı-aq, jumys tobynyń ár múshesi azamattardy jeke qabyldady jáne oblystarǵa qarasty aýyldar men  qalalardyń turǵyndarymen kezdesti.

El boıynsha jumys saparlary Elbasynyń «Áleýmettik qamqorlyq» jańa sharalaryn túsindirý úshin jalǵasyn tabady.

Usynǵan: Maqpal Sembaı