Elordadaǵy «Astana-1 temirjol» «Nur-Sultan temirjol vokzaly» bop ózgeredi dep jazady Qamshy.kz aqparat agenttigi.  Bul týraly aqparat QR Premer-Mınıstri Asqar Mamınniń tıisti Qaýly jobasy QR Indýstrıa jáne ınfraqurylymdyq damý mınıstrliginiń resmı saıtynda jarıalandy.

«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasynyń Zańy 10-babynyń 4-1) tarmaqshasyna, «Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldarǵa,  avtostansalarǵa, fızıkalyq-geografıalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsıasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna sáıkes QAÝLY ETEDİ: 1. Astana temirjol vokzaly «Nur-Sultan temirjol vokzaly» bolyp qaıta atalsyn. 2. Osy qaýly alǵashqy resmı jarıalanǵan kúninen bastap qoldanysqa engiziledi», – dep jazylǵan qaýlyda. 

Usynǵan: Ásel Bolatqyzy