Shymkenttegi Toqaev kóshesi Qazaqstan prezıdentiniń qurmetine emes, onyń ardager ákesi, belgili jazýshy, qazaq ádebıetindegi detektıv janrynyń negizin salýshy Kemel Toqaevtyń atymen atalǵan dep habarlaıdy Qamshy.kz aqparat agenttigi sputniknews.kz saıtyna silteme jasaı otyryp.
Kóshe óte shaǵyn, uzyndyǵy nebári jarty shaqyrym ǵana bolady. Ol "eski qala" (shaǵyn saýda oryndary shoǵyrlanǵan aýdan) men ortalyq alańdy baılanystyryp tur.
Úılerdiń deni - eki nemese úsh qabatty. Biren-saran bes qabatty úılerdi de kóz shalady. Kósheniń kórkin ashyp turǵan basty ǵımarat - "Energopotok" keńsesi. Munda energıa tutyný úshin tólenetin somaǵa kóńili tolmaǵan turǵyndar kelip, óz máselelerin sheshedi. Qarataý aýdandyq soty men Shymkent qalalyq tergeý soty da osynda.
Jolda kele jatyp, múlt ketseń, shalshyqqa túsip ketýge bolady. Alaıda munyń bári ýaqytsha. Jazda jer qurǵap, kósheniń keıpi ózgerip shyǵa keledi.
Shymkenttikter kóshege kimniń esimi berilgenin bilmeıtin bolyp shyqty. "Qoǵam qaıratkerleriniń biri bolar" ,- deıdi turǵyndar.
Bul kósheniń tarıhy jaıly Shymkent qalasynyń ákimi Ǵabıdolla Ábdirahymov ta bilmegen. Qazaqstan prezıdenti qyzmetine taǵaıyndalǵan soń, Qasym-Jomart Toqaev úshinshi megapolıs basshysymen kezdesip, Shymkenttegi qala qurylysy máselesin talqylady. Kezdesý kezinde Toqaev kóshesi jaıly da sóz boldy. Shymkent turǵyndary syndy Ǵabıdolla Ábdirahymov ta bul kósheniń kimniń qurmetine atalǵanyn bilmeıtin bolyp shyqty. Alaıda jańa prezıdent muny kóńiline almaı, kóshege ákesiniń esimi berilgenin aıtyp berdi.
Usynǵan: Farıza Jomartqyzy
Pikir qaldyrý