Májilis úıi, 8 sáýir. Májilis Tóraǵasy Nurlan Nyǵmatýlın Qatardyń astanasy Doha qalasynda ótip jatqan Parlamentaralyq Odaqtyń 140-shy Assambleıasy alańynda Reseıdiń Memlekettik Dýma Spıkeri Vácheslav Volodınmen kezdesti dep habarlaıdy Qamshy.kz aqparat agenttigi.

Taraptar Qazaqstan men Reseı parlamentaralyq yntymaqtastyǵynyń ózekti máselelerin talqylap, onyń zor áleýeti men odan ári damytýǵa qatysty ortaq maqsattardy atap ótti.

Kezdesý barysynda Nurlan Nyǵmatýlın Qazaqstan osyǵan deıin elimizdiń Tuńǵysh Prezıdenti Nursultan Nazarbaevtyń Reseı Prezıdenti Vladımır Pýtınmen qol jetkizgen kelisimderin júzege asyrýdy, sondaı-aq, Reseımen strategıalyq ózara is-qımyldy nyǵaıtýdy jalǵastyratynyna toqtaldy. Bul jolda Májilis Spıkeri eki eldin Parlamentteri aǵymdaǵy jylǵy parlamenaralyq is qımyldarǵa basa nazar aýdara otyryp, óz úlesin qosa beretinine senim bildirdi.

Óz kezeginde, Memlekettik Dýma Tóraǵasy Vácheslav Volodın Reseı men Qazaqstan arasyndaǵy qarym-qatynastardyń damý qarqynyna kóńil bólip, bul baǵytta eki el Prezıdentteriniń orasan jumystar atqaryp jatqanyn aıtty. V.Volodınniń pikirinshe, osy rette Qazaqstan Respýblıkasynyń Tuńǵysh Prezıdenti Nursultan Nazarbaevtyń róli óte zor.

N.Nyǵmatýlın men V.Volodın aǵymdaǵy jyldyń 23-24 qyrkúıeginde Nur-Sultan qalasynda ótetin Eýrazıa elderi Parlamentteri Spıkerleriniń IV Keńesine daıyndyq máselelerin de talqylady. Memlekettik Dýma Spıkeri atap ótkendeı, kóptegen elderdiń qyzyǵýshylyǵyn esepke ala otyryp, Keńes jumysyn aldaǵy ýaqytta da júzege asyrý qajet. V.Volodınniń pikirinshe, bul ashyq dıalog aıasynda kóptegen mańyzdy máselelerdi talqylaýǵa jáne sheshýge múmkindik beredi.

Usynǵan: Farıza Jomartqyzy