Ózbekstandaǵy Qazaqstan jylynyń ashylý rásimine arnalǵan gala konsertte Dımash Qudaıbergen de óner kórsetti dep habarlaıdy Qamshy.kz aqparat agenttigi.

Bul joly daryndy qazaq balasy erekshe daýysymen ózbek halqyn tańǵaldyrǵan.

Saltanatty shara "Ózbekstan" halyqaralyq forýmdar saraıynda ótken. Gala konsertte eki eldiń basshylary Qasym-Jomart Toqaev pen Shavkat Mırzıeev te bolǵan.

Al Dımash qalyń kórermenge óziniń " SOS d'un terrien en détresse" dep atalatyn tanymal ánin tartý etken.

Vıdeonyń jelide paıda bolǵany sol edi, ánshiniń tyńdarmandary oǵan degen tilekterin jaýdyrdy.

"Dımashtyń oryndaýy, daýysy-sensasıa", "Dımash Qazaqstan halqy men álemniń eń talantty, tárbıeli, meıirimdi, kishipeıil jas adamy", "Ádettegideı bıikte, Dımash - koról", dep jazýda jeli qoldanýshylary.

Aıta keteıik gala-konsertte Dımashtan bólek, Álibek Dinishev, Aıman Musahodjaeva, Medet Shotabaev, Nurlan Bekmuhambetov, Marıa Mýdrák syndy Qazaqstannyń óner qaıratkerleri men sahna sheberleri, shyǵarmashylyq ujymdary óz ónerlerin pash etken.

Eske sala keteıik, 15 sáýir kúni Tashkentte Ózbekstandaǵy Qazaqstan jylynyń ashylý rásimi ótti.

♦Qazaqstan Prezıdenti memlekettik saparmen Tashkent qalasyna bardy (vıdeo)

Usynǵan: Maqpal Sembaı