Zertteýshi dárigerler obyr aýrýynyń asa nazar aýdarta qoımaıtyn, biraq baıqalǵan boıda medısına qyzmetkerleriniń kómegine júginýge keńes beretin sımptomdaryn atady.

Mamandardyń aıtýynsha, obyr dertiniń eń kóp kezdesetin belgileriniń biri – úzdiksiz sharshańqylyq.

"Eger siz qalypty jaǵdaıdan da qatty sharshaǵan bolsańyz, dáriger keńesine júginińiz", - deıdi zertteýshi mamandar.

Budan bólek, salmaqtyń tez ózgerýi, emdelý barysynda da tyıylmaıtyn aýyrsynýlar, teride túrli belgilerdiń paıda bolýy, sýyqqa qatysy joq qyzýdyń kóterilýi obyr dertiniń alǵashqy sıptomdary bolýy múmkin. Sondaı-aq, dárigerler sebepsiz jótel men zár shyǵý úderisiniń buzylýyn, dene isikterin de osy sanatqa jatqyzady.

Medısına qyzmetkerleri azamattarǵa jıi tekseristen ótip turýǵa keńes beredi. Osy kezde ǵana qaterli isikti jańa bastalǵan ýaqytynda anyqtap, oǵan em qoldanýdyń ońaı bolatynyn alǵa tartady.

Dárigerler kofeni jıi tutyný da qaterli isik dertiniń qaýpin arttyratyn birden-bir faktor ekenin aıtady. Tipti, temeki shekpeıtin, biraq kúnine eki nemese odan da kóp shynyaıaq kofe ishetin adamdardaǵy ókpe qaterli isiginiń qaýpi 41 paıyzǵa artady eken.

"Densaýlyq – birinshi baılyq". Baǵasyz baılyqtaryńyzdy kepildendirýdi umytpańyzdar.