Dalán qalasynda ornalasqan hımıalyq zaýyttyń jarylǵany týraly aqparat shyndyqqa janaspaıdy. Dalán qalasynyń órt sóndirý qyzmetiniń málimetine súıensek, órt qoımalardyń birinde ǵana oryn alǵan.

Birshama ýaqyt buryn Qytaıdyń baspasóz quraldarynda Dalán qalasynda ornalasqan hımıalyq zaýyttyń órtke oranǵany týraly jáne ony aýyzdyqtaý jumystary júrip jatqany jaıly aqparat jaryq kórdi.

"Jeksenbi kúni keshki saǵat 18:54 shamasynda órt sóndirý brıgadasy Szınpý aýdanynda ornalasqan qoımadan órt shyqqany týraly habar aldy. Nátıjesinde qoımada saqtaýly turǵan aǵash taqtaıshalar, maıly boıaýlar, kermaıkalyq zattar janyp ketken", - delingen jarıalanǵan málimdemede.

Órt sóndirý qyzmetiniń málimdeýinshe, jalyn 400 sharshy metr aýmaqty qamtyp, ony sóndirýge eki saǵatqa jýyq ýaqyt ketken.

"Ǵalamtorda tarap jatqan hımıalyq zaýyttaǵy jarylys týraly aqparat  shyndyqqa janaspaıdy", - delingen habarlamada.

Usynǵan: Ádilet Mádenıet