Shrı-Lankanyń barlyq memlekettik mektep oqýshylary 29 sáýir, dúısenbige deıin oqýyn toqtady dep habarlaıdy Qamshy.kz aqparat agenttigi RIA Novostı saıtynyń deregin negizge ala otyryp.

Buǵan deıin aral bıligi eldiń barlyq mektepteri 22-23 sáýir kúnderi jabyq bolady dep habarlaǵan bolatyn. Jeke katolıktik mektepterdiń sabaqtary 29 sáýirge deıin toqtatylǵan. Bilim mınıstrligi barlyq memlekettik mektepterde saqtyq sharalaryn eskere otyryp, demalys ýaqytyn 29 sáýirge deıin sozýdy sheshken.

Esterińizge sala ketsek, jeksenbi kúni Shrı-Lankada birneshe jarylys bolyp, saldarynan 310  adam qaza taýyp, 480 adam jaralanǵan bolatyn.

CNN telearnasynyń derekkózderi Úndistan men AQSH-tyń arnaıy qyzmeti Shrı-Lanka bıligin terakt jasalý qaýpi bar ekenin aldyn ala eskertkenin málimdedi. Olardyń aıtýynsha, bul eskertpeler sáýir aıynyń basynda bolǵan.

Telearna jýrnalıseri qujattardyń birinde, jarylys jasaýy múmkin kúdiktilerdiń tizimi de bolǵanyn habarlady.