QR Tuńǵysh prezıdenti Nursultan Nazaraev óziniń alda kele jatqan kezekten tys prezıdent saılaýyna qatysqanyn qalaıtyndardyń kóptigin aıtty. Bul týraly Elbasy Nur-Sultan qalasynda ótken "Nur Otan" partıasynyń kezekten tys HİH sezinde málimdedi.

"Meniń ókilettiligimdi toqtatýym aıtarlyqtaı áser etken azamattardan kóp hattar aldym. Meniń saılaýǵa qatysqanymdy qalaıdy. Olardyń turaqtylyqty unatatynyn túsinemin. Osyndaı jyly qarym-qaynas úshin olarǵa bas ıip alǵys bildiremin", -dedi Elbasy.

Partıanyń kezekten tys saılaýynda prezıdenttikke úmitker retinde usynylatyn tulǵanyń aty atalý qajet. Al Nursultan Ábishuly partıa tóraǵasy retinde Qasym-Jomart Toqaevtyń kandıdatýrasyn usyndy.

"Qurmetti áriptester, men Qasym-Jomart Kemelulynyń kandıdatýrasyn QR Prezıdenti postyna usyný týraly suraqty sıeze qaraýdy engizemin", - dedi ol.

"Nur Otan" partıasy usynǵan úmitkerdiń kezekten tys prezıdent saılaýynda jeńiske jetetinine Elbasy tolyq senimdi.

"Saıası keńestiń, búronyń músheleri tysqary qalmaýy tıis. Adamdarmen jolyǵyp, túsindirý kerek. Álemde ne bolyp jatqanyn bári kórip otyr. Úgit-nasıhat naýqanynda zamanaýı tásilderdi qoldaný qajet. Bizge adamdardyń senetinine jáne bizdiń baǵyttyń durystyǵyna qarap, jeńis bizdiń qolda bolaryna senemin", - dep túıindedi Nursultan Ábishuly.

Eske sala keteıik, 9-maýsym Qazaqstan prezıdenti Qasym-Jomart Toqaevtyń buıryǵymen kezekten tys prezıdent saılaýy retinde jarıalandy.

OSK habarlaýynsha, kandıdattardy usynyý 10-sáýirden 28-sáýir kúni saǵat 18:00-ge deıin jalǵasady.