Bul buryn bolǵan oqıǵa eken. Bálkı, estip, oqyǵan da shyǵarsyz. Jelisi, mazmuny bir, tek jetkizilýi ártúrli. Endeshe, Qudyreti kúshti Allanyń Qudyretin dáleldeıtin kóp mysaldyń birin nazarlaryńyzǵa usynamyn.

Sonaý Amerıkada eki áıel bir ýaqytta qatar bosanǵan eken. Bireýi uldy, ekinshisi qyzdy bolypty. Medbıkelerdiń jaýapsyzdyǵynan eki náresteni aýystyryp alypty. Sóıtip, eki áıeldiń arasynda daý paıda bolyp, ekeýi de "men týdym" dep ulǵa jarmasa beripti. Myna ǵajapqa qarańyz! Tipti DNQ analızderiniń de bir-birine qatty uqsas bolǵany sondaı, aıyryp bere almaıdy. Qaı balanyń kimdiki ekenin ajyrata almaı abyrjyǵan dárigerler bul jaǵdaıdy basshylyqqa aıtady. Al basshylyqta otyrǵan dáriger "Bul máseleniń sheshimin bir bilse musylmandar biler" dep, Saýd Arabıasyndaǵy bir musylman ǵalymyna telefon shalady.

Ekeýiniń arasyndaǵy áńgime bylaı órbipti:

Amerıkandyq: Sizder dinderińizde barlyq máseleler men suraqtarǵa jaýap bar ekenin jıi aıtasyzdar ǵoı. Áli de sol oılaryńyzdasyzdar ma?

Musylman ǵalymy: Iá, solaı oılaımyz.
Sonda amerıkandyq oǵan jaǵdaıdy túsindiredi. Al ǵalym bul máseleniń sheshiminiń tipti ońaı ekenin aıtyp: "Eki áıeldiń de omyraý sútin tekserińizder, qaısynyń sútiniń qunarlyǵy joǵaryraq bolsa, ul balany sol bosanǵan", - dep jaýap beripti.

Dáriger ǵalymnyń aıtqanyndaı istep, eki ananyń da sútin teksertip, uldyń anasyn anyqtap beredi. Sosyn musylman ǵalymynan: "Ul balanyń týǵan áıeldiń sútiniń qunarlyraq bolatynyn qaıdan bildińiz?" - dep suraıdy tań-tamasha bolyp.

Ǵalym: "Buǵan jaýap Quranda jazylǵan. Alla taǵala Nısa súresiniń 11-aıatynda "...Bir erkekke eki áıeldiń mırasyndaı úles buıyrady", - degen. Iaǵnı, er adamnyń úlesi áıeldikinen eki esege kóbirek" - degen kórinedi.

Búkil suraqtyń sheshimin Quranǵa jasyryp, ol arqyly musylmandardyń dárejesin joǵary etken Alla taǵalaǵa maqtaý bolsyn!

Usynǵan: Maqpal Sembaı