SSRO tarıhyndaǵy erekshe qashqyn retinde tirkelgen oqıǵamen tanys bolyńyzdar. Patrýshevke deıin Qara teńizdi kesip ótý oıǵa syıymsyz kórinetin. Biraq 1962 jyly Petr Batýmı qalasynan shyqqan kúıi sýǵa aıaǵy tıisimen eshteńege qaramaı júzip ketedi. Osylaısha ol SSRO-dan Túrkıaǵa óte shyqty.
Shekarashylar Patrýshevtiń bul áreketine qarsy qımyldaýǵa qaýqarsyz bolyp shyqty. Qarapaıym adam, meıli ol súńgýir bolsyn, eshbir arnaıy jabdyqtarsyz osynshama qashyqtyqty júzip ótýi - adam sengisiz dúnıe.
Mundaı qashyqtyqty júzip ótken Petr de osal adam bolmaı shyqty. Bala kúninen júzýmen aınalysady. Al qashýǵa bel baılaýǵa sport rotadan qatardaǵy ásker bólimine túsip qalýy jáne ondaǵy qarýlastarynyń qysymy sebep bolypty.
Petr aıaq astynan sýmen qashýǵa bel baılaıdy da, tartyp otyrady. Qudaı qoldap, Túrkıa jaqtaǵy jaǵalaýdan bir-aq shyǵypty batyryń.
"Alǵashqy projektor jandy. Men kórinip qalmaý úshin tereńge súńgı berdim. Qysymnyń artyp bara jatqanyn qulaǵyma estilgen shý arqyly baıqadym. Boıymnan ál ketip, jas kúnimnen bergi jattyǵýlarym kómektespeıtindeı kóringen", - dep eske alady Petr erekshe joryǵyn.
Túrkıada júrip, Patrýshev óziniń Qara teńiz arqyly osynsha qashyqtyqty qalaı júzip ótkenin túsinbeıtinin moıyndady. Bul jaqta odan júzip ótken marshrýtyn kartada belgilep berýin suraıdy. Biraq Petr óziniń shamamen, boljammen júzgenin aıtyp qutylady.
Solaı da solaı, qaraǵym! Bostandyqqa umtylǵan Petr maqsatyna jetti.
Aýdarǵan: Ádilet Mádenıet
