Qazaqstan komýnıstik halyq partıasynyń úmitkeri Jambyl Ahmetbekovti 6 mamyrda ortalyq saılaý komısıasy prezıdent saılaýyna kandıdat retinde tirkedi dep jazady Qamshy.kz aqparat agenttigi Azattyqtyń deregin negizge alyp. 

Saılaý komısıasynyń deregine qaraǵanda, Ahmetbekov Qazaqstannyń 16 óńirinen 138 294 qol jınaǵan. Komısıa onyń 135 506-syn esepke alǵan. Qazaqstan prezıdenttigine kandıdat bolý úshin úmitker 118 140 qol jınaýy tıis.

Ahmetbekov qol jınaýdy 29 sáýirde bastap, 4 mamyrda aıaqtaǵan. Kandıdat "bul jolǵy saılaýda jeńetinimen senemin" deıdi.

— Saılaýǵa qatysýda tájirıbem bar. Bul jolǵy saılaýda ózimdi tanystyrý kampanıasyn júrgizbeımin. Halyq meni tanıdy. Bul joly áleýmettik máselelerge den qoıamyz, - dedi Ahmetbekov.

Jambyl Ahmetbekov buǵan deıin de - 2011 jyly ótken prezıdent saılaýyna qatysqan. Sol jylǵy saılaýda Nazarbaev - 95,55, Ahmetbekov 1,36 paıyz daýys alǵan.

Ahmetbekov 2012 jyldyń 20 qańtarynan beri - májilis depýtaty.

Buǵan deıin OSK "Nur Otan" partıasy saılaýǵa úmitker retinde usynǵan Qazaqstannyń qazirgi prezıdenti Qasym-Jomart Toqaev pen "Uly dala qyrandary" qozǵalysy usynǵan úmitker Sádi-Bek Túgel, "Qazaqstannyń kásipodaqtar federasıasy" usynǵan Amangeldi Taspıhovti, "Aq jol" partıasy usynǵan Danıa Espaevany, "Aýyl" partıasy usynǵan Tóleýtaı Raqymbekovti prezıdenttikke kandıdat retinde tirkegen.