Erkesh Shákeev Almatyda ótken avtorlyq keshinde kópbalaly otbasyǵa 4 bólmeli jıhazy bar páter syılady dep habarlaıdy Qamshy.kz aqparat agenttigi

Derekkózderine súıensek, mamyr aıynyń jetinshi juldyzynda Almaty qalasynyń Respýblıka saraıynda ótken konsert mýzykant Erkesh Shakeevtiń ónerde júrgenine 30 jyl tolýyna oraı jáne kópbalaly, turmys-jaǵdaıy qıyn otbasylardy qoldaý maqsatynda uıymdastyrylǵan eken.

Elordada tirideı órtenip ketken bes qyzdyń taǵdyryna qatty alańdap, alańdap qana qoımaı, erge tán erlik jasaýdy kózdegen kompozıtor keshten jınalǵan barlyq qarajatty turmysy tómen otbasylarǵa qaıyrymdylyqqa jumsaǵan.

Erkesh Shakeevtiń bul erligin keshke jınalǵan qonaqtar áleýmettik jelide jarysa jarıalady.

"Búgin Respýblıka saraıynda Erkesh Shákeevtiń keremet keshi ótti. Bizde talantty adamdar ómir súrýde. Jaraısyz, Erkesh! Kompozıtor óziniń dostarymen birge konsertke jınalǵan qarajatqa 4 bólmeli páter alyp, kópbalaly otbasyǵa tabys etti. Páterdiń kiltin sahnada kópbalaly áıeldiń qolyna ustatty", - dep jazdy tyńdarmandardyń biri.

 Bul keshte Almaty sımfonıalyq orkestri, memlekettik akademıalyq sımfonıalyq orkestri, dırıjer Qanat Omarov, Aleksandr Ivanov jáne "Rondo", "Tengri", "Mezzo", "Asyl", "Molto Loud" toptary, Oliver Poole, Mezzo toby, Marat Bısenǵalıev, A’Studio, Karına Abdýllına, Tolqyn Zabırova, Dınara Sultan, Bianca Nicholas óner kórsetti. 

Usynǵan: Maqpal Sembaı