Qazaqstan Respýblıkasy prezıdenttigine kandıdattardyń biri Qasym-Jomart Toqaevtyń dosy Andreı Antonenko balalyq shaqtaryn eske aldy dep habarlaıdy Qamshy.kz aqparat agenttigi.

"Komsomolskaıa pravda Kazahstan" gazeti prezıdenttikke úmitkerdiń dosynan suhbat alyp, birqatar estelikterdi eske túsirdi.

Ol ózin synyptan tys jerde de óte mádenıetti ári erkin ustaıtyn. Sonymen qatar, er balalardyń barshasynyń basynan ótetin judyryqtasýlardan da qashpaıtyn. Jomart barlyq máseleni beıbit jolmen, sóılesý arqyly sheshýge tyrysatyn. Onyń dıplomatıalyq sheberligi sol kezden-aq kózge uryp turatyn.

Degenmen, tóbelespeske bolmaı bara jatsa, Toqaev top artynda tasalanyp qalmaıtyn. Sondaı jaǵdaılardyń biri áli esimde. Biz mektepten shyǵyp Qaraǵaıly saıabaqqa barǵanbyz. Qarsy kele jatqan topta tórt jigit bar edi. Áńgime sol baıaǵy "Temeki bar ma?" degen sózben bastaldy. Jomart ta baǵzy daǵdysyna basyp, tutanyp kele jatqan máseleni beıbit sheshýge tyrysyp-aq baqqan. Biraq bul joly onysynan túk shyqpady.

Sol jerde biz kútpegen oqıǵa boldy. Qarsy taraptyń bir jigiti kútpegen jerden soqqy jasap qaldy. Jomart ta osal emes eken. sol joly eki jaq ta aýyr jaraqatsyz shyqtyq.

"Bir sózben aıtqanda, Toqaev minezsiz jigit emes edi. Onyń qanymen kelgen qasıeti búgin de boıynan joǵalmaǵanyna senemin", - deıdi dosy. 

Aýdarǵan: Ádilet Mádenıet