Qańtar-aqpan aılary boıynsha Qazaqstanda shaı ımporty 5,5 myń tonnaǵa, nemese 19,6 mıllıon dollarǵa jetken dep habarlaıdy Qamshy.kz aqparat agenttigi energyprom.kz/ru saıtyna silteme jasap.

Mamyr aıynda qara baıha shaıynyń kelisi qazaqstandyqtar úshin 2963,7 teńgege shyqqan. Ol bir aı burynǵy derektermen salystyrsaq 1%-ǵa, bir jyl burynmen salystyrǵanda 3,5%-ǵa qymbat.

Elimizdiń iri qalalarynyń ishinde Qostanaıda (kg/3279 tg – jylyna 1,9%), Almatyda (kg/3268 tg – jylyna 1%) jáne Qaraǵandyda (kg/3140 tg – jylyna 11,6%) qymbatshylyq baıqalady.

Shaı men kofe óndirisi İ toqsannyń qorytyndysy boıynsha 4,4 myń tonna, ıaǵnı bir jyl burynǵymen salystyrǵanda 6,4%-ǵa az. Óndiristiń negizgi úlesi (91,3%) Almaty qalasyna tıesili (4 myń tonna). Qalada kofe jáne shaı óndiretin «Tea Nouse» JSHS («Assam», «Sımba», «Naýryz», «Indıra», «Tengrı», «Tamasha», Sunday) jáne Tealand, «RG Brands Kazakhstan» JSHS («Pıala») kompanıalary bar.

Kofe men sháı naryǵy ımporttaýdy qajet etedi: 2019 jyldyń qańtar-aqpan aılarynyń qorytyndysy boıynsha jeke óndiris suranystyń 28,9%-yn ǵana japqan.

Sonymen qatar tutyný deńgeıi ósken: ishki naryqtaǵy qajettilik bir jyldyń kóleminde 14,1%-ǵa artqan.

2019 jyldyń qańtar-aqpan aılarynda qazaqstandyqtardyń súıikti sýsynynyń ımporty 5,5, myń tonna (+19,5% jylyna), nemese 19,6 mln dollarǵa (+20,1% jylyna) jetken.

Bıylǵy jyldyń qańtar-aqpan aılarynda Qazaqstanǵa shaıdyń negizgi jetkizýshileri Kenıa (2,5 myń. tonna, 8,8 mln dollar), Úndistan (2,3 myń. tonna, 7,5 mln dollar) jáne Reseı (384,4 tonna, 2,4 mln dollar) elderi boldy.

 Usynǵan: Marjan Sábet