Elektrondy komersıanyń damýy elimizge mol paıdasyn tıgizedi. Qytaı taýarlarynyń barlyǵy Eýropaǵa Qazaqstan joly arqyly ótedi, osy arqyly kompanıalar iri tabysqa ıe bola alady. Bul týraly búgin, 14-mamyrda QR-nyń Ulttyq ekonomıka mınıstri Rýslan Dalenov úkimettik otyrysta málimdedi dep habarlaıdy Qamshy.kz aqparat agenttigi EAD saıtyna silteme jasaı otyryp.

"Qazaqstan Qytaı men Eýropa arasyndaǵy óte yńǵaıly geografıalyq jerde ornalasqan. Búgingi tańda bizde Qazaqstan aýmaǵy arqyly ınternet jelileriniń qoldanystaǵy kólemin qaıta baǵyttaýdyń barlyq ınfraqurylymdyq jáne prosedýralyq múmkindikteri bar"- dedi mınıstr.

"Batys Eýropa - Batys Qytaı" tas jolynyń arqasynda 2025 jylǵa qaraı tranzıttiń kólemin 864 mln-ǵa ósirý josparlanyp otyr. Bul qazaqstandyq kompanıalarǵa 132 mlrd teńgeden 1 trıllıon 270 mıllıard teńgege deıin paıda tabýǵa múmkindik beredi", - dedi ol. 

QR Premer-Mınıstri Asqar Mamınniń aıtýynsha, elektrondy komersıanyń ekonomıkaǵa mýltıplıkatıvti áseri JİÓ-niń jyl saıynǵy úlesin 1,1% deńgeıde boljaýǵa múmkindik beredi, al Eýropaǵa 2025 jylǵa qaraı Qytaıdan kún saıyn 2 myńnan 21 myńǵa deıin tasymaldaý qarqyndylyǵy artady.

 Aýdarǵan: Bek Baıtas