9 maýsymda ótetin kezekten tys prezıdenttik saılaýǵa baılanysty kandıdattar saılaýaldy úgit-nasıhat jumystaryn bastap ketti. Árqaısysy halyqtyń kóńilinen shyǵýǵa tyrysqandaı bolyp, ýádelerin úıip-tógýde. Ár kandıdat elden erekshe bolýǵa tyrysatyny belgili. Ázirge stıli jaǵynan elden erek bolǵany — Toqaev. Onyń sebebi de aıqyn. Halyqaralyq tájirıbesi baı dıplomat qarajat jaǵynan da qıyndyq kórip otyrmaǵany jasyryn emes.

Prezıdent bılbordtarda óziniń tegin "galochka" belgisimen erekshe etip kórsete bildi. Sondaı-aq Toqaevtyń "V" áripine uqsas ıshara belgini de kórsetken fotosy bar. Ol bul belgi arqyly ne aıtqysy keletinin Qamshy.kz aqparat agenttiginiń tilshisi zerttep kórdi. 

"Galochka" neni bildiredi?

Bul belgi Rım ımperıasy kezinde paıdalana bastaǵan. Qazirgi tańda atalmysh belgini álemniń túkpir-túkpirinde qoldanady. Sol kezde "galochka" veritas sóziniń qysqartylǵan túri retinde qoldanǵan. Bul shyndyq degen maǵynany bildiredi. Keıin jazý-syzýdyń damýyna baılanysty belgi azdaǵan ózgeriske ushyrap, sol jaq syzyǵy qysqaryp, oń jaq syzyǵy uzardy. 

Toqaev  "V" ısharasy arqyly ne aıtqysy keldi?

Bul ıshara Amerıkanyń burynǵy prezıdenti Rıchard Nıkson men brıtandyq premer-mınıstr Ýınston Cherchıll arqyly álemge tanymal bolǵan desedi. Olar bul ısharany jeńistiń belgisi retinde qoldanǵan. Al alǵash ret 1415 jyly tanylǵan. Bul ısharany  fransýzdar men brıtandyqtardyń soǵysynan keıin alǵash ret brıtandyqtar kórsetken. Fransýzdar "brıtandyq sadaqshylardyń 2 saýsaǵyn kesemiz" dep qorqytqan. Sol jyldary tutqynǵa túsken sadaqshylardyń 2 saýsaǵyn kesetin bolǵan. Alaıda bul soǵysta brıtandyqtar jeńiske jetedi. Soǵystan keıin "bizdiń 2 saýsaǵymyz aman, biz jeńdik" degen maǵynada brıtandyqtar "V" áripine uqsas ısharany qoldanysqa engizedi. Al 1960 jyldan keıin bul ıshara beıbitshiliktiń sımvolyna aınaldy. 

Al Toqaev bolsa, bul ıshara arqyly jeńiske degen senimdiligin kórsetkisi kelgen bolýy bek múmkin. 

Bul ısharany álmde tanymal juldyzdar men saıasatkerler jıi kórsetedi nemese paıdalanady. Olar bul ısharasy arqyly óziniń álemge tanymal ekenin kórsetkisi kelse, álemdik prezıdentter de bul arqyly óziniń pikirin, oıyn jetkizip jatady. 

"V" ısharasyn kórsetken álemge tanymal tulǵalar

Maıkl Djekson 

Fýtbolshy Krıstıano Ronaldý

Ýkraınanyń prezıdenti Zelenskıı

Ýıll Smıt akter

Reseı prezıdenti Vladımır Pýtın