Reseılik prodúser, kompozıtor Igor Krýtoı qazaqstandyq jas ánshi Erjan Maksımdi óziniń mýzyka akademıasyna shaqyrdy, dep habarlaıdy Qamshy.kz aqparat agenttigi Erjan Maksımniń instagram paraqshasyndaǵy jazbasyna silteme jasap.

Erjan Maksımdi Igor Krýtoımen Qazaqstannyń Reseıdegi elshisi Imanǵalı Tasmaǵanbetov tanystyrǵan. 

«Dostar, Máskeýge jasaǵan saparym sátti boldy. Nege deısiz ǵoı, men eń aldymen, elimizdiń aptal azamaty Imanǵalı Nurǵalıulymen kezdestim. Sol kezdesýimizdiń nátıjesi retinde kópten beri armandap júrgen ataqty kompozıtor, prodúser Igor Krýtoımen tanystym. Meni stýdıada tyńdaǵan maestro meni unatyp, óziniń mýzykalyq akademıasyna shaqyrdy. Men qýana kelistim. Endi dostar, kúzden bastap sol jerde vokal baǵyty boıynsha ónerimdi shyńdaıtyn bolamyn. Árıne, munyń barlyǵy Imanǵalı aǵamyzdyń arqasy dep bilemin. Osyndaı azamattardyń arqasynda shyǵarmashylyǵym jalǵasyp, jemisin beretinine senimim mol», - dep jazdy Erjan Maksım. 

https://www.instagram.com/p/BxdHIEhAYlr/?utm_source=ig_web_button_share_sheet

Usynǵan: Marajan Sábet