Vedomstvo mektep bitirý keshin dámhana, meıramhanalarda emes, mektep qabyrǵasynda ótkizýdi usyndy, dep habarlaıdy Qamshy.kz aqparat agenttigi Bilim jáne ǵylym mınıstrliginiń baspasóz qyzmetine silteme jasap.

Sondaı-aq, mınıstrlik túlekter keshiniń maqsaty sándi kıimder men mol dastarqandy kórsetý emes ekenin eske saldy. Bul kesh balalar, muǵalimder men ata-analardyń esinde qalarlyq mektepishilik jıyn dep atap ótken. 

"Mektep bitirý keshiniń formaty qymbat ári sán-saltanatqa toly kesh bolmaýy kerek. Jyldar boıy tulǵany qalyptastyrýda talmaı eńbek etken pedagogtar men ata-analar, túlekter arasyndaǵy jyly dıalog túrinde ótkeni abzal. Atalǵan keshte oqýda ozat, jetistikke jetken, mektep, aýdan, qala, oblys, respýblıkalyq, halyqaralyq deńgeıdegi sporttyq, ıntellektýaldyq jarystarda jeńimpaz bolǵan, mekteptiń qoǵamdyq ómirine belsendi atsalysqan balalardy qurmetpen atap ótý oryndy", - dep jazylǵan habarlamada. 

Mınıstrlik ókilderi keshte túlekter men ustazdar arnaıy baǵdarlama daıyndap,  mektep ishinde de qyzyqty etip, uıymdastyrýǵa bolatynyn alǵa tartady.

Bıyl mektep bitiretin elimizdiń birqatar óńirleriniń túlekteri mektep bitirý keshin ulan-asyr etip ótkizýden bas tartyp jatyr. "Jas Ulan" balalar men jasóspirimder uıymy jáne "Adal Urpaq" klýby bul bastamaǵa qoldaý kórsetip, "Túlekter keshin qarapaıym ótkiz!" atty chellendj uıymdastyrǵan. 

Usynǵan: Marjan Sábet