Saılaý ótedi degeli,
Kórmegen kórdik kóp deıdi
Aq jaýynnyń artynan
Sańyraýqulaqtar kókteıdi.
Kandıdattardyń ishinde
Tasmaǵambetov joq deıdi,
Armanǵa jetti qý túlki
Arlandaryma oq tıdi.
Komýnısterdiń tańdaýy
Jambyl Ahmetbek deıdi.
Ul bolyp jarytpaǵandar
Ultqa qyzmet etpeıdi.
Qosanovtaı aǵamdy
Qostaıtyndar kóp deıdi,
Báribir onyń daýysy
Toqaevqa jetpeıdi.
Elimniń jaıy ne bolmaq?!
Temirdiń ózin tot jeıdi.
Kimniń prezıdent bolaryn
Elbasy ózi retteıdi.
Jyrlaı berip qaıteıin?!
Báribir ádil ótpeıdi,
Tyrnany qaraýyl qoısa
Tóbeńnen qıqý ketpeıdi...
Avtory: Aspanbek Shuǵataev
Usynǵan: Ásel Bolatqyzy
