Bireýler "qalaı baıysam" dep oılap júrgende, baılar tabysqa erekshe jolmen qaraıdy. Olar tek aqsha taýyp qana qoımaı, tapqan tabysyn qatty baǵalaıdy dep jazady Qamshy.kz aqparat agenttigi.
- Olar ózderin budan da joǵary baılyqqa laıyqpyn dep oılaıdy
Baı adam árqashan aldyna úlken maqsattar qoıady. Olar eshqashan tapqan aqshasyna qanaǵattanbaıdy. Odan da úlken tabys ákeletin jobalardy izdeıdi, tabysqa jetkizetin jańa ıdeıalardy oılaıdy. Baı adamnyń oıynsha, oǵan ózinen basqa eshkim kómektese almaıdy. Eger ol aqsha tabýdy toqtatsa, búgingideı baılyqta ómir súre almaıdy, sondyqtan talmaı izdenip, tabandylyqpen tabysqa umtylady.
- Aqshany aqylmen jumsaıdy
Baı adamdar aqshasyn eshqashan qajetsiz nárselerge jumsamaıdy. Olardyń oıynsha, paıdasyz qurtylǵan aqsha qurdymǵa ákeledi. Olar úshin únemdeý aqshany jumsaýdan mańyzdyraq. Aqshany az jumsap, kóp tapqan tıimdi.
- Qaryzdanýdan qashady
Tabysty adam bireýge qaryz bolýdan qashady. Eger bireýden qaryz alsa, ony tez qaıtarýǵa tyrysady. Bul ýaqyt ótken saıyn qaryzdyń ósip, eki ese shyǵynǵa ákeletinine baılanysty.
- Ózine senedi
Baı adam úshin ózgelerdiń ne oılaıtyny mańyzdy emes. Olardyń ózine degen senimi psıhologıalyq energıa men janyna tynyshtyq berip, aqsha tabýǵa degen qulshynysyn arttyrady.
- Unatpaıtyn ispen aınalyspaıdy
Tabysty adamdardyń barlyǵy óz isterin qatty jaqsy kóredi. Olardyń aıtýynsha, jany qalaıtyn jumyspen shuǵyldanǵan adam jańa nárselerge, jańalyqqa umtylady, ózin-ózi toqtaýsyz damytady. Eń bastysy – súıikti ispen shuǵyldaný, al mundaıda aqsha ózdiginen keledi.
- Olar ınvestısıadan qoryqpaıdy
Baı adamdar únemi óz aqshalaryn ınvestısıalaıdy. Aqshasyn bankte saqtamaıdy. Árbir ınvestor óz ómirinde bir nemese birneshe sátsizdikke ushyraıtyny sózsiz, biraq ol ınvestısıa jasamasa, odan da kóp shyǵynǵa ushyraıtynyn biledi.
- Baı adam áreketke senedi
Tabysty adam áreketke senedi. Ol jumys isteýge, jańa nárselerdi jasaýǵa, damýǵa, qarjylyq jaǵdaıyn ornyqtyrýǵa qajetti qadam jasap, árekettenýden sharshamaıdy. Jaı adamdar lotereıa bıletin satyp alyp, jeńiske jetý úshin duǵa etkende, tabysty adamdar problemalaryn aqyl-oıdyń kómegimen ózi sheshedi.
