Oblys ortalyǵynda jándikterge qarsy jumystarmen 20 dezınfektorlar aınalysýda, dep habarlaıdy Qamshy.kz aqparat agenttigi Atyraý qalasy ákimdiginiń baspasóz qyzmetiniń deregin negizge alyp. 

Atyraýda jergilikti bılik masamen kúresý jumystaryn bastady. Qala jáne qala mańyndaǵy eldi-mekenderdegi dezınfeksıalaý jumystarymen "AG Desinfection Services" JSHS aınalysatyn bolady. Shybyn-shirkeılerdi qurtý jumystary qala kóshelerinde, ashyq toǵandarda, úı jertólelerinde, saıabaqtarda, mádenı jáne demalys oryndarynda jáne qala mańyndaǵy eldi-mekenderde júrgiziledi.

- Qan sorǵysh jándiktermen kúresý jumystaryna jel men tútin generatorlary, sý tasymaldaýshy kólikter men traktorlar, sondaı-aq qarasha aıyna deıin 4 aýysymda jumys isteıtin 20 dezınfektorlar tartylǵan. Dezınfeksıa qalanyń barlyq shaǵyn aýdandarynda tańerteń, kúndiz, keshki jáne túngi ýaqyttar da júrgiziledi, - dedi «AG Desinfection Services » JSHS-niń entomology Aınagúl Dáýletıarov.

Turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń sektor meńgerýshisi Kenjebek Kamalıdenovtiń aıtýynsha, 2019 jyly shamamen 40 mıllıon sharshy metr aýmaqta masalardy joıý jumystary júrgiziletin bolady dep naqtylady.

Usynǵan: Ásel Bolatqyzy