Jylyoı aýdanynyń ortalyq meshitine qyzmettik kólik syıǵa tartyldy.

Temir tulpardyń kiltin  Qazaqstan musylmandary dinı basqarmasynyń Atyraý oblysy boıynsha ókili, ortalyq «Imanǵalı» meshitiniń Bas ımamy Batyrjan Mansurov Jylyoı aýdanynyń bas ımamy Arman Isaevqa saltanatty jaǵdaıda juma namazy kezinde tabys etti.

Ortalyq «Imanǵalı» meshitiniń baspasóz qyzmeti habarlaǵandaı, juma namazy aldynda jamaǵat aldynda sóz sóılegen Atyraý oblysynyń Bas ımamy Batyrjan Mansurov sý jańa Renault Duster kóligin meshitke syıǵa tartqan jergilikti kásipker, «Mako» JSHS basshysy Kelbatyr Qulǵazıevke alǵys aıtyp, ıyǵyna shapan japty.

«Asyl dinimizdiń damýy jolynda Kelbatyr Qulǵazıev aǵamyz únemi óz úlesin qosyp keledi. Júregi din dep soqqan aǵamyz buǵan deıin respýblıkalyq, oblystyq deńgeıde ótken azan jarysy, Quran jarysyna demeýshilik jasap, medrese, meshit qurylystaryna qarjylaı qoldaý kórsetip júr. Alla razylyǵy jolynda atqaryp jatqan ıgi isterińizdiń saýaby mol bolǵaı» dep atap ótti oblystyń Bas ımamy Batyrjan Mansurov.

Saltanatty shara barysynda «Mako» JSHS basshysy Kelbatyr Qulǵazıev aımaqta, sonyń ishinde Jylyoı aýdanynda ımandylyq, izgilik, asyl dinimizdi taratý jolynda ıgi jumystardyń júrgizilip jatqanyn aıtty. «Jylyoıdyń ortalyq meshiti ashylǵan ýaqytta jamaǵattyń sany ári ketse bes-alty adamnan aspaıtyn edi. Qazir jamaǵattyń sany 2000-nan asty. Juma namazy kezinde jamaǵat meshitke syımaı ketedi. Bul keremet kórinis» dep atap ótti ol.

Qasıetti Ramazan aıyndaǵy ıgi jańalyqty jergilikti jamaǵat  qýana qabyldady.