Kann kınofestıvaliniń "Altyn pálma butaǵy" ataǵy "Parazıty" kartınasynyń rejıseri Pon Chjýn Hoǵa buıyrdy dep habarlaıdy Qamshy.kz aqparat agenttigi RIA Novostı saıtyna silteme jasap.
Baı otbasyǵa jaldanyp jumys jasaıtyn kedeı shańyraqtyń jaı-kúıi sýretteletin komedıanyń sońy naǵyz dramaǵa aınalǵan. Osy janrlyq burylys kóptegen kórermenderdi ózine tartty bul fılmde.
Al festıváldiń Gran-prı júldesi Matı Dıoptyń "Atlantıka" atty debúttik týyndysyna buıyrǵan. Júldeni Sılvestr Stallone tabystady.
Festıváldaǵy "Úzdik rejıserlar" marapaty "Molodoı Ahmed" atty fılm túsirgen qos belgıalyqtyń, Jan-Per men Lúk Dardenniń qanjyǵasyna baılandy.
Emılı Bıchem "Malysh Djo" fılmindegi róli úshin "Eń úzdik áıel róli" ataǵyn alsa, "Eń úzdik er adam róli" marapatyna Bol ı slava» týyndysyndaǵy róli úshin Antonıo Banderas laıyq dep tabyldy.
"Eń úzdik senarı" ataǵy fransýzdyq Selın Skámmaǵa "Portret devýshkı v ogne" kartınasy úshin tabystaldy.
Taǵy da bir "Altyn pálma butaǵy" marapaty qysqametrajdy fılmder qatarynda báıgege túsken "Prostranstvo mejdý namı ı nebom" kartınasynyń rejıseri Vasılıs Kıkatosqa buıyrdy.
Al "Nashı materı" atty debúttik fılmin túsirgen rejıser Sezar Dıas "Altyn kamerany" jeńip aldy.
Ladja Lıdiń "Otverjennye" fılmi men kishi Klebara Mendostyń "Bakýraý" fılmi qazylardyń arnaıy júldesine ıe boldy.
Halyqaralyq Kann festıvali 14-mamyrdan bastap Lazýr jaǵalaýynda ótti. Senbi kúni dástúr boıynsha eń úzdik týyndylardy saltanatty túrde marapattaý sharasy bolyp, festıvál óz máresine jetti.
Aýdarǵan: Ádilet Mádenıet
