Mańǵystaý oblysy Úshtaǵan aýylynda iri burshaq saldarynan óristegi biraz mal qyrylyp qaldy dep habarlaıdy Qamshy.kz aqparat agenttigi.
Áleýmettik jelide taralǵan vıdeolarda burshaqtyń iri bolǵany jáne kóp mólsherde jaýǵany sonsha, qara jer bir sátte appaq bolyp shyǵa kelgenin baıqaımyz. Alańsyz jaıylyp júrgen eshkilerdiń birazy tabıǵattyń tosyn minezine tótep bere almaı, jasyrynar yq tappaı, qyrylyp qalǵan. Maldy qyrǵan burshaq ósimdikterdi, egindi, baý-baqshanyń da túgin qaldyrmaǵany aıdan anyq.
Jergilikti turǵyndardyń aıtýynsha, eldimekende buryn-sońdy mundaı qubylys bolmapty.
Usynǵan: Maqpal Sembaı
