Búginde Jambyl oblysynda az qamtylǵan otbasylarǵa qoldaý kórsetý, áleýmettik álsiz toptarǵa qaraılasý tıisti deńgeıde júzege asýda. Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń málimetinshe, oblys boıynsha Ataýly áleýmettik kómek alatyn 29 650 otbasy, ıaǵnı 150 453 adam anyqtalǵan. Onyń ishinde  98304 bala, 4199 stýdent bar. Bul ótken jylmen salystyrǵanda 2 esege kóp. Ótken jyly Ataýly áleýmettik kómekti 14852 otbasy, ıaǵnı 74 517 adam alǵan.  

  Elimizdiń Eńbek jáne halyqty áleýmettik qorǵaý mınıstrliginiń tapsyrmasy boıynsha turǵyndar arasynda «111 jedel qyzmeti» baılanys ortalyǵy arqyly túsindirý jumystary júrgizilgen. Buǵan jumyspen qamtý bólimderiniń, jumyspen qamtý ortalyqtarynyń jaýapty 46 qyzmetkeri belgilendi.

  2019 jylǵy oblystyq máslıhattyń sheshimi negizinde oblystyq búdjetten aýyldyq okrýgterde, aımaqtarda jáne shaǵyn qalalarǵa «e-Halyq» aqparattyq júıesin engizýge aýdandar men qalanyń búdjetterine beriletin aǵymdaǵy nysanaly transfertterge 96,9 mıllıon teńge qarajat bólingen. Bul qarajat 153 aýyldyq okrýgter men Qarataý, Jańatas jáne Shý sekildi 3 shaǵyn qalalarǵa, ıaǵnı 156 aýyldyq okrýgterge «e-Halyq» aqparattyq júıesin engizýdiń baılanys kanaldaryn júrgizýge bólingen qarajat.

  Sonymen qatar, 2017 jyly barlyq aýyldyq okrýgterge «e-Halyq» engizýge arnaıy eki kompúter tehnıkalaryn alýǵa qarajat berilip, qajetti kompúter tehnıkalarymen jabdyqtaldy.

2019 jyldyń aqpan aıynda arnaıy QR Eńbek jáne halyqty áleýmettik qorǵaý mınıstrliginiń tarapynan maman kelip oqý semınaryn ótkizdi. Qazirgi tańda, barlyq okrýgteriniń baılanys kanaly bar. Sonymen qatar, «e-Halyq»  júıesimen tıisti mamandar jumys júrgizýde. 2019 jyldyń 5 sáýirine 117925 otbasy 539710 adam sanymen engizilgen, Jambyl oblysy boıynsha 1 126 077 adam sanynyń 47,9 paıyzy engizildi.

Dýlat Aıtbaı