Qazaqstandyq Scat áýe kompanıasy 3 maýsymnan bastap Nur-Sultan - Ulan-Batyr baǵyty boıynsha tikeleı áýe qatynasyn iske qosady dep habarlaıdy Qamshy.kz aqparat agenttigi.
Bul týraly QR SİM baspasóz hatshysy Aıbek Smadıarov Syrtqy ister mınıstrliginde ótken brıfıńte habarlaǵan.
"Qazaqstan men Monǵolıa arasyndaǵy jańa halyqaralyq reıstiń ashylýy saıası jáne saýda-ekonomıkalyq qatynastardy ilgeriletýge, týrızmdi damytýǵa jáne mádenı-gýmanıtarlyq almasýdy nyǵaıtýǵa, eki eldiń bıznes-qurylymdary arasyndaǵy iskerlik baılanystardy tereńdetýge yqpal etedi", - dedi A. Smadıarov.
Turaqty ushýlar Boeing 737 áýe kemesinde ár beısenbi jáne jeksenbi saıyn oryndalatyn bolady. Reıstiń uzaqtyǵy bir jaqqa 3 saǵatty quraıdy.
Usynǵan: Maqpal Sembaı
