Mádenıet jáne óner qyzmetkerleriniń kásibı merekesine oraı Jambyl oblysynyń ákimi Asqar Myrzahmetov sala qyzmetkerlerin qabyldap, qurmet kórsetti. Jańadan ashylǵan «Dańq» zalynda ótken saltanatty jıynda aımaq basshysy oblystyń rýhanı damýyna mádenıet salasy qyzmetkerleriniń de qosyp otyrǵan úlesi qomaqty ekenin aıta kelip, aldaǵy josparlarymen bólisti.
Asqar Isabekuly bıyl oblystyń 80 jyldyǵyna oraı óńirdiń tarıhynan, ádebı -mádenı ómirinen syr shertetin 80 tom kitap shyǵarylatynyn, 31 myń jádiger saqtalǵan oblystyq mýzeıge basqa keń oryn qarastylatynyn, Abaı atyndaǵy Jambyl gýmanıtarlyq kolejiniń múmkindigin keńeıtý esebinen mýzykalyq, akterlik baǵytqa beıim ónerli jastarǵa qoldaý kórsetiletinin aıtty.
– Qazaq handyǵynyń tarıhyn kórsetetin keshen salýdy, Áýlıeataǵa eskerkish ornatýdy, «Rýhanıat» ortalyǵynyń da múmkindigin keńeıtýdi oılap otyrmyz. Alash arystaryn ardaqtaý, T.Rysqulovtyń rýhyna laıyqty qurmet jasaý josparda bar. Jambyl Jabaevtyń qurmetine murajaı ashý isi de kezek kúttirmeıdi. Jyr alybynyń qurmetine «Jambyl – meniń jaı atym, halyq – meniń shyn atym» respýblıkalyq aıtysyn ótkizý dástúrge aınaldy. Ol oblysta aıtys óneriniń damýyna jol ashatyn bolady. Mádenıettiń basqa salalaryna da qoldaý kórsete beremiz. Sizderdi merkelerińizben taǵy da shyn kóńilden quttyqtaımyn, -dedi oblys ákimi A.Myrzahmetov.
Saltanatty sátte Asqar Isabekuly úzdik qyzmetkerlerge marapattar tabystady. Atap aıtqanda, oblys ákiminiń Qurmet gramotasymen oblystyq tarıhı-ólketaný mýzeıiniń dırektory Seıitjan İlıas, mýzeı dırektorynyń orynbasary Zarına Dúkenbaeva men atalmysh mýzeıdiń bólim meńgerýshisi İńkár Kazmadıarova marapattaldy. Taǵy 12 adamǵa Mádenıet jáne óner salasynyń damýyna qomaqty úles qosqany úshin, mádenıet qyzmetkerleriniń kásibı merekesine oraı 12 adamǵa oblys ákiminiń Alǵys haty men 200 myń teńge kóleminde syıaqy sertıfıkaty tapsyryldy.
Olardyń qatarynda qatarynda Qazaqstannyń eńbek sińirgen qaıratkeri, QR «Dostyq», «Parasat», «Qurmet» ordenderiniń ıegeri, kúıshi-kompozıtor Ábdimomyn Jeldibaev, «Eren eńbegi úshin» medaliniń ıegeri, Mádenıet qaıratkeri, mádenıet salasynyń ardageri Álibek Ámzeuly, ál-Farabı atyndaǵy Baızaq aýdandyq mádenıet úıiniń ádiskeri Qasqyrbaı Narbatyr, kitaphana salasynyń ardageri Meıramkúl Ysqaq, Baızaq aýdany memlekettik arhıviniń dırektory Márzıa Erkebulanova, oblystyq qazaq drama teatrynyń ártisi Jandar Qyryqbaev, oblystyq orys drama teatrynyń ártisi Elena Kozachenko, Sh.Ýálıhanov atyndaǵy ámbebep ǵylymı kitaphanasynyń bólim meńgerýshisi K.Ázirbaev atyndaǵy oblystyq fıolarmonıanyń ártisi Torǵyn Orynbaeva, oblystyq kıno ortalyǵy dırektorynyń orynbasary Jeńisbek Qalmyrzaev, tarıhı-mádenı eskertkishterdi qorǵaý jáne qalpyna keltirý dıreksıasy dırektorynyń orynbasary Saýran Qalıev bar.
Júzdesýde Qazaqstannyń eńbek sińirgen qaıratkeri Ábdimomyn Jeldibaev, Mádenıet qaıratkeri Álibek Ámzeuly, Baızaq aýdanynyń Qurmetti azamaty Qasqyrbaı Narbatyr sóz sóılep, oblystyń mádenı ómirindegi jetistikterge toqtalyp, sala qyzmetkerlerine qurmeti úshin oblys ákimine alǵystaryn bildirdi.
Sondaı-aq bul kúni «Dańq» zalyn salýǵa qatysqan qurylysyshlar da oblys basshysynyń Alǵys hatyna ıe boldy.
Baqyt Jalǵas
