1 mamyr – Qazaqstan halqynyń birligi merekesine oraı Mańǵystaý oblysynyń Munaıly aýdanyna qarasty Batyr aýylyndaǵy 4 páterli 40 turǵyn úıdiń kilti tabystaldy.
Baspanaly bolǵandardyń qatarynda halyqtyń áleýmettik jaǵynan qorǵalatyn tobyna jatatyn – 22 otbasy (onyń ishinde: 1,2 toptaǵy múgedek otbasy - 4, kóp balaly otbasy -1, múgedek balasy bar 4 januıa, 1 zeınetker jáne 12 tolyq emes otbasy) jáne 18 búdjet salasynyń qyzmetkerleri bar.
Sharaǵa qatysqan Mańǵystaý oblysy ákiminiń birinshi orynbasary Álıhan Qyraýbaev aýyl turǵyndaryn 1 mamyr - Qazaqstan halqynyń birligi kúni merekesimen quttyqtap, kúni keshe ǵana Elbasymyz Nursultan Ábishuly Qazaqstan Halqy Assamblásynyń sesıasynda atap ótkendeı, bul merekeniń mańyzy zor ekendigin atap ótti.
«Atajurtyn ańsap kelgen qandastarymyz kóptep qonystanǵan jas aýdan memlekettik saıasatqa saı sheshimdi is-qımyldardyń, birlikpen jasalǵan tirliktiń, tógilgen ter men esepsiz eńbektiń, kóp kúsh-jigerdiń arqasynda kún sanap damyp, shańyraǵy bıik yrysy men berekesi daryǵan ólkege aınalyp keledi Mine, biz búgin jańa baspanaǵa qol jetkizgen 40 otbasynyń qýanyshyna kýá bolyp otyrmyz. Munyń barlyǵy Elbasymyzdyń áleýmettik bastamalary men reformalarynyń sátti júzege asqandyǵynyń aıqyn kórinisi. Halyqtyń ál-aýqatyn arttyrý, turmys-tirshiligin jaqsartý memlekettiń jiti nazarynda», - dedi Álıhan Qyraýbaev.
Sonymen qatar, 2019 - «Jastar jyly» aıasynda Qyzyltóbe aýyldyq okrýgindegi jańadan boı kótergen «Jastar» saıabaǵyn aralady. Demeýshilerdiń qoldaýymen salynǵan ámbebap sporttyq saıabaqtyń jalpy aýdany 22 626,0 sharshy metrdi quraıdy. Oıyn alańynda fýtbol, basketbol oınap, jas sportshylarǵa strıt-vorkaýtta shuǵyldanýǵa jáne demalýshylarǵa qolaıly jaǵdaılar jasalǵan.
