Jeke qabyldaýǵa jalpy sany 30 adam jazylyp, olardyń tek 25-i ǵana keldi. Aımaq basshysymen tikeleı júzdesip, óz máselesin aıtqan azamattardyń basym bóligi áleýmettik sala, jer, turǵyn úı suraqtary boıynsha kelgen. Barlyq kóterilgen máseleler egjeı-tegjeıli zerdelenip, keıbiri kezdesý kezinde oń sheshimderin tapty.
Sondaı-aq, jeke kásip ashyp, orta jáne shaǵyn bıznes bastasam degen azamattar da bar. Olarǵa da oblys ákimi ákimdik tarapynan beriletin nesıeler men jeńildikter jaıynda habardar etti. Ár turǵyndy jeke-jeke tyńdaǵan óńir basshysy qala, aýdan ákimderi men basqarma basshylaryna kóterilgen máseleniń naqty sheshilýin tapsyrdy.
