Qazaqstan Respýblıkasynyń úkimeti Jańaózen qalasyn áleýmettik-ekonomıkalyq damytýdyń keshendi josparyn bekitti
Bul jóninde Óńirlik komýnıkasıalar qyzmeti alańynda ótken brıfıńte Jańaózen qalasynyń ákimi Ádilbek Daýylbaev málimdedi.
Aldaǵy ýaqytta Jańaózen qalasy aýmaǵynda júzege asatyn 67 jobany iske asyrýǵa barlyǵy – 230 mlrd.teńge qarastyrylyp otyr. Keshendi josparǵa saı bıyl jasalatyn jumystarǵa 19,6 mlrd qarjy jumsalatyn bolady. Onyń ishinde, RB – 3,7 mlrd.teńge (jaldamaly páterler satyp alý, 18.2 shaqyrym avtomobıl joldaryn salý); JB – 273,4 mln.teńge (bıznes negizderine oqytý, avtomobıl joldaryn salý, apatty turǵyn úılerdiń turǵyndaryna páterler satyp alý); «QazMunaıGaz» AQ, «ÓzenMunaıGaz» AQ – 8,8 mlrd.teńge (jataqhana shyǵyndaryn sýbsıdıalaý, basqa óńirlerge qonys aýdarý shyǵyndaryn sýbsıdıalaý, QazGÓZ jańǵyrtý, «Ózenınvest» MKK-nan 350 jańa jumys oryndaryn qurý.) syndy jobalar bar.
Jańaózen qalasyn damytýdyń keshendi jospary aıasynda bıyl 26 kóp qabatty úı jóndeýden ótedi
Qalada 40 apatty jaǵdaıda úı bar, 500-ge jýyq turǵyn kezeń-kezeńimen jańa úılerge kóshiriletin bolady.
Bul jóninde Óńirlik komýnıkasıalar qyzmeti alańynda ótken brıfıńte Jańaózen qalasynyń ákimi Ádilbek Daýylbaev málimdedi.
«Bul jumys bıyl bastalady. Apatty dep tanylǵan «Shańyraq» sh/a №43 úıdiń turǵyndaryn pátermen qamtamasyz etý maqsatynda qalǵan 10 páter satyp alýǵa «ÓMG» AQ-ń áleýmettik mindettemeler qarajaty esebinen – 145,0 mln.teńge bólý josparlanyp otyr. Sondaı-aq tozyǵy jetken 52 kóp qabatty úıdiń 26-yna bıyl jóndeý jumystary bastalady »,- dedi Jańaózen qalasynyń ákimi Ádilbek Qulyntaıuly .
Jańaózen qalasynyń muqtaj azamattary úshin Aqtaý qalasynan jalǵa beriletin páterler satyp alýǵa «ÓzenMunaıGaz» AQ-y jáne RB qarajaty esebinen qarajat bólý josparlanyp otyr. Jalǵa beriletin páterler Jańaózen qalasynyń jumyssyzdyq tiziminde tirkeýde turǵandarǵa jáne QR aımaǵynda sońǵy 5 jyl ishinde atynda páterleri joq azamattarǵa beriledi. Budan basqa Jańaózen qalasynyń jastary ishinen Aqtaý qalasynyń jataqhanasyna ornalasýǵa nıet bildirgen azamattardyń tizimi jasaqtalyp (141 adam), oblystyq ákimdikke joldandy. Jataqhanalarda turǵany úshin jalǵa alý tólemaqysyn sýbsıdıalaý boıynsha «ÓMG» AQ-y qarajaty esebinen – 236,3 mln.teńge qarastyryldy.
Respýblıkamyzdyń ózge óńirlerine kóshý boıynsha túsindirý jumystary júrgizilip, 38 adamnan turatyn 10 otbasy kóshýge nıet bildirdi. Kóship baratyn óńirlerge qonys aýdarý shyǵystaryn sýbsıdıalaý boıynsha «ÓMG» AQ-y qarajaty esebinen – 20,0 mln.teńge qarastyrylǵan.
Jańaózen qalasyndaǵy 50 kereýettik stasıonary bar medısınalyq ortalyqtyń qurylysyn aıaqtaý boıynsha keshendi josparda «ÓMG» AQ-y qarajaty esebinen – 1,8 mlrd.teńge, jeke ınvestısıalar arqyly – 1,2 mlrd.teńge bólinedi dep kútilýde. Bul baǵytta jumystar jalǵasyn tabýda, nysandy 2020 jyldyń 1 jartyjyldyǵynda paıdalanýǵa berý josparlanyp otyr.
Qalaishilik, Mereı shaǵyn aýdanynyń, Bostandyq, Munaıly shaǵyn aýdandarynyń jáne Rahat aýylynyń Aqsý, Mereı shaǵynaýdandarynyń avtomobıl joldaryn salý boıynsha 4 jobany iske asyrýǵa RB-809,8 mln.teńge, JB-40,0 mln.teńge bólinip, 2 joba boıynsha konkýrstar ótkizilip, merdiger mekememen kelisim-shart jasaqtalǵan.
Jańaózen qalasynda ashylatyn qant zaýyty, munaı qaldyqtaryn tapsyrý men munaı qaldyqtaryn tazalaý pýnkti júzdegen jańa jumys ornyn ashýǵa múmkindik beredi
Jańaózen qalasyn damytýdyń keshendi josparynda 2019-2025 jyldar aralyǵyndaǵy qarastyrylǵan is-sharalardyń, ınvestısıalyq jobalardyń iske asyrylýynyń nátıjesinde 5 606 jańa jumys oryny qurylyp, qalanyń jumyssyzdyq máselesi sheshiletin bolady. Bul jumys oryndary ortalyq munaı tapsyrý pýnktin salý, qant zaýytyn salý, elektr energıasyn óndiretin kásiporyn salý, turmystyq qaldyqtardy qaıta óńdeý kombınatynyń óndirisin keńeıtý, «kovorkıng» ortalyǵyn qurý arqyly júzege asatyn bolady.
Bul jóninde Óńirlik komýnıkasıalar qyzmeti alańynda ótken brıfıńte Jańaózen qalasynyń ákimi Ádilbek Daýylbaev málimdedi.
Qumsheker óndiretin zaýyt salý boıynsha jeke ınvestorlar – 86,6 mln.teńge bólip otyr. Nátıjesinde 48 adam turaqty jumysqa ornalasady. Atalǵan joba jyldyń aıaǵyna deıin iske asady dep kútilýde.
Ortalyq munaı tapsyrý pýnktin salý boıynsha «Tenge oıl gaz» JSHS tarapynan jumystar júrgizilýde, qurylystyń 1 kezeńi aıaqtalýǵa jaqyn. Joba 2020 jyldyń aıaǵyna deıin aıaqtalmaq. Negizgi qurylatyn jumys ornyna 45 adamdy tartý josparlanǵan.
Mazýttalǵan topyraqty bıologıalyq tazartý boıynsha «ÓMG» AQ qarajaty esebinen 995,0 mln.teńge qarastyrylǵan. «Taza sý» JSHS tarapynan jumystar bastalyp, nátıjesinde 54 azamat jumysqa joldandy.
Qazaq gaz óńdeý zaýytyn jańǵyrtý boıynsha «QMG» AQ-y qarajatynan
barlyǵy 107,2 mlrd.teńge josparlandy, onyń ishinde 2019 jylǵa – 2,7 mlrd.teńge qarastyryldy. Nátıjesinde qala turǵyndary úzdiksiz turaqty túrde gazben qamtamasyz etiletin bolady.
Jańaózen qalasyndaǵy qatty turmystyq qaldyqtardy qaıta óńdeý kombınatynyń óndirisin keńeıtý baǵytynda ınvestorlarmen 130,0 mln.teńgeni quraıtyn kelissózder júrgizilip, osy jyldyń aıaǵynda iske asyrý kózdelip otyr.
Jańaózen halqynyń ál-aýqatyn jaqsarta otyryp, munaı-gaz salasy kásiporyndarynyń turaqty jumysyn qamtamasyz etýge 693 jumys orny qurylady. Sondaı-aq, Jańaózen qalasynda 350 jańa jumys oryndary ashylyp, jumyssyzdyq esebinde turǵan azamattar eńbekpen qamtyldy. Jáne de bıznes negizderi boıynsha jyl basynan beri 46 adam oqytylyp, sertıfıkattaryn aldy. Osy maqsatta JB-38,5 mln.teńge bólý josparlanyp otyr. Jańaózen qalasynyń óndiristik alańyn shaǵyn jáne orta bıznes jobalarymen toltyrýdy qamtamasyz etý boıynsha múliktik nysandy «Kaspıı» áleýmettik kásipkerlik korporasıasyna berý jumystary júrgizilýde. Qazirgi tańda bul baǵytta 37 kásipkerden usynys túsken.
Quqyqtyq tártipti, qoǵamdyq qaýipsizdikti qamtamasyz etý maqsatynda kóshelerde 68 burylmaly beınebaqylaý kamerasyn ornatý jumystary bastalyp, baǵanalar ornatylýda. Bul maqsatta JB-271,0 mln.teńge bólindi. Sonymen qatar, turǵyndardy sapaly úzdiksiz aýyz sýmen qamtamasyz etý maqsatynda Jańaózen qalasyndaǵy sý tazartý ǵımaratynyń qurylysy aıaqtalyp, paıdalanýǵa berildi.
