Qytaıdyń Qazaqstandaǵy elshisi Chjan Sáo Shyńjańda qazaqtarǵa qysym jasalyp jatqany týraly habarlardy "jalǵan aqparat" dedi. Bul týraly ol 28 mamyrda Nur-Sultanda ótken qazaq-qytaı qatynasyna arnalǵan jıynnyń aldynda aıtty dep habarlaıdy Qamshy.kz aqparat agenttigi azattyq.org saıtyna silteme jasap.

Jýrnalıser Qytaı elshisinen "Almatyda turǵyndar birneshe jıyn ótkizip, Qytaıdaǵy týysqandaryna qysym jasalǵanyn, olardyń Qazaqstanǵa óte almaı otyrǵanyn aıtty. Qytaıdan Qazaqstanǵa kelip oqyp júrgen qazaq stýdentter keri qaıtsaq, qamaıdy deıdi. Bul aqparat qanshalyqty ras?" dep surady.

Chjan Sáo tilshilerdiń suraǵyna "Barlyq aqparat jalǵan. Bul aqparattardy qaıdan aldyńyz? Aqparatty qaıdan alǵanyńyzdy aıta alasyz ba? [Stýdentterdiń aıtqany] da teris aqparat. Shyńjańdaǵy jaǵdaı birqalypty. Shyńjańdaǵy sharalar - terorızm jáne ekstremızmmen kúresý áreketi" dedi.

27 mamyrda Almatyda "Qytaı zertteý ınstıtýty" uıymynyń ofısinde bir top adam baspasóz maslıhatyn ótkizip, týystary saıası lagerden bosaǵanymen Qazaqstanǵa kele almaı  Olar Qazaqstan bıliginen, halyqaralyq uıymdardan kómek suraǵan.​

Shyńjań aımaǵyndaǵy lagerler jaıly alǵash ret 2017 jyldyń kókteminde aıtyla bastaǵan. BUU Shyńjańdaǵy "saıası tárbıeleý ortalyqtarynda" mıllıonǵa jýyq adam "erkinen tys" qamaýda otyrǵanyn málimdegen.

Qazaqstannyń birneshe qalasynda azamattar jınalyp, "Qytaıda jaqyndarymyz qysym kórip jatyr, úıqamaqta otyr, Qazaqstanǵa óte almaıdy" degen.

Qytaı úkimeti basynda bul ortalyqtardyń baryn joqqa shyǵaryp keldi. Keıin Pekın Shyńjańdaǵy saıasatyn "ekstremızmge qarsy shara" dep atap, adamdar erkinen tys otyrǵan lagerlerdi "til úırenip, kásipke baýlıtyn " ortalyqtar dep túsindirgen.

Usynǵan: Dáýren Sybanbaı