Tanymal qazaqstandyq ánshi, «MýzTV» telearnasynyń arnaıy syılyǵy — «Qazaqstannyń úzdik jyl ártisi» atalymynyń jeńimpazy Qaırat Nurtas jeke ómirine qatysty suraqtarǵa jaýap bergisi kelmeıtinin aıtty. «Qazaqstan» arnasyndaǵy «Tańsholpan» baǵdarlamasynda qonaqta bolǵan ánshi «MýzTV» syılyǵyn jeńip alǵannan keıingi áserimen bólisti. «Tyńdarmandar meniń otbasymdy emes ónerimdi men shyǵarmashylyǵymdy baǵalasa deımin» deıdi ánshi. «Suhbat bermegenime biraz ýaqyt bolypty. Sizderdiń baǵdarlamalaryńyzǵa sáti túsip, kelip otyrmyn. Óte qýanyshtymyn. Maǵan kóbine kóńil-kúıińiz qalaı, januıańyz bar ma degen suraqtardy jıi qoıady. Ol meniń jeke ómirime qatysty bolǵasyn, jaýap berýden bas tartýǵa májbúrmin. Kórermender meniń ónerimdi, shyǵarmashylyǵymdy baǵalasa deımin», — dep bastady áńgimesin stýdıa qonaǵy. Syılyqty ıelengen kezdegi áserimen bólisken Qaırat: «Árkimniń óz armany bar. Óz elińde mundaı syılyq alý meniń ǵana emes, ár ánshiniń armany, dep oılaımyn. Bul júldege aldymen Allanyń qalaýymen, sosyn halyqtyń qoldaýymen ıe boldym. Óte qýanyshtymyn. Osy dodada qarsylas bolǵan ár ánshi myqty talant. Olarǵa aldaǵy jobalarda topty jaryp shyǵýlaryna tilektespin», — deıdi Qaırat. «MÝZ TV» syılyǵy eki eldiń mádenıetin biriktirip, ánshilerin bir-birimen tanystyrdy, jaqyndastyrdy, bir sahnada án salýǵa múmkindik berdi. Syılyqtyń dál bizdiń elde ótýi – úlken jetistik», — dep aǵynan jaryldy tanymal ánshi. Onyń aıtýynsha, jaqyn kúnderi mahabbat jaıynda jazylǵan 3-4 án tyńdarman nazaryna usynylatyn bolady. Qanshalyqty sátti shyqqanyn sol tyńdarmandar bersin dep sózin túıdi tanymal ánshi.

Zametılı oshıbký na saıte? Najmıte Ctrl+Enter