FUNK agenttiginiń jetekshisi Maıra Izmaılova Atakentte ornalasqan ataqty tıinge qandaı ózgertýler enetinin aıtty dep habarlaıdy Qamshy.kz aqparat agenttigi MIA "Kazınform" saıtyna silteme bere otyryp.

Onyń aıtýynsha, "Atakent" alańyndaǵy tıinniń bir jyl turýynyń arqasynda, ol  jerde mádenı- qoǵamdyq orta qalyptasty, biraq sonda da maýsym aıynda tıin dál osy qalpynda bolmaıdy, ony retke keltiredi. Jańa jobany kútken áıgili óner nysany "Ecobelka" dep atalady.

"Bizdiń top keremet joba eko-art jobasyn oılap tapty. Osy jazda tıindi tolyǵymen jańartamyz. tıin qaıta óńdelgen materıaldardan jasalady",- dedi Maıra Izmaılova.

Uıymdastyrýshylardyń aıtýynsha, tıinniń jobasyna sáıkes syrtyn plasıkalyq panelmen qaptaıdy. Ol da qaıta óńdelgen plasıka bolmaq.

"Tıinniń qańqasy metal men aǵashtan quralady. Biz barlyq qaptamasyn sheshemiz, ıaǵnı sabandy alyp tastaımyz. İshki qurylysyn qaıta jańartyp, jaramdy bolyp tabylatyn materıaldarǵa panelder ornatylady. Burynǵy tıindy eshqaıda jibermeımiz, tek ekologıalyq materıaldan jańasha stılde ornatamyz",- deıdi joba qurastyrýshylary.

Almatydaǵy tıinniń jańartylýyna 10 mln teńge qajet. Uıymdastyrýshylar bul somany "qala turǵyndarynan alamyz" dep otyr: qarjylaı kómekti kraýdfandıng alańynda kórsetýge bolady.

Almaty qalasyndaǵy Atakentte ornalasqan úlken tıindi salýǵa 23 mln teńge ketken bolatyn.

 Aýdarǵan: Bek Baıtas