Reseı Federasıasy Joǵarǵy sotynyń 19 áıeldi óltirgen burynǵy polısıa qyzmetkeri Evgenıı Chýplınskııdi ómir boıyna bas bostandyǵynan aıyrý týraly sheshimi zańdy kúshine endi dep habarlaıdy Qamshy.kz aqparat agenttigi RIA Novostı saıtyna silteme jasap.
"2018 jylǵy 22 qarashadaǵy Evgenıı Chýplınskııge qatysty Novosibir oblystyq sotynyń qaýlysy zańdy kúshine endi. Reseı Federasıasy Joǵarǵy sotynyń qylmystyq ister jónindegi sot alqasy sottalýshynyń jáne onyń qorǵaýshysynyń apelásıalyq ótinishteri boıynsha dálelderin qanaǵattandyrmady", - delingen prokýratýra ókilderiniń habarlamasynda.
Sýrette: Evgenıı Chýplınskıı
Esterińizge sala keteıik, Evgenıı Chýplınskıı 1998 jyldyń kúzinen bastap 2005 jyldyń shildesine deıin 18 ben 31 jas aralyǵyndaǵy 19 áıeldi jaýyzdyqpen óltirgeni úshin aıyptalǵan bolatyn. Qanisherdiń qylmystarynyń kúrdeliligi sonsha, quqyq qorǵaý oryndaryna qylmysty tolyq zertteý úshin 10 jyl ýaqyt qajet bolǵan.
Aýdarǵan: Dáýren Sybanbaı
