Aqparat jáne qoǵamdyq damý mınıstri Dáýren Abaev «Habar» arnasyndaǵy «Ashyq dıalog» baǵdarlamasynda 29 mamyrda ótken saılaýaldy teledebatqa qatysty pikir bildirdi dep habarlaıdy Qamshy.kz aqparat agenttigi.

Baǵdarlama júrgizýshisi mınıstrge «Úsh kandıdat qatyspaǵan teledebatty tabysty ótti dep esepteýge bola ma?» degen suraq qoıdy.

«Meniń oıymsha, debat oıdaǵydaı ótti, keıbir kandıdattar qatyspasa da, olardyń ókilderimen másele bolǵan joq. Senimdi ókilder retinde jaı adamdar kelgen joq, úsh partıanyń jetekshileri keldi. Debatqa qatysýdyń da erikti túrde júrgiziletinin eskergen jón. Kandıdattyń atynan senimdi ókildiń debatqa qatysýy - álemde bar tájirıbe. Onyń sebepteri de ártúrli bolady. Máselen, Qasym-Jomart Toqaev sıaqty kandıdat bos bolmaýy múmkin. Prezıdent EAEO joǵarǵy ekonomıkalyq keńesiniń otyrysyna qatysty», - dep túsindirdi Dáýren Abaev.

Onyń aıtýynsha, keıbir kandıdat debatty tıimdi qural dep sanamaýy múmkin jáne onyń baǵdarlamasy men saıası salmaǵy qarsylastarynan asyp túsip jatady. Sondyqtan, pikirtalasqa túspeýdi uıǵarady. Álemde mundaı tájirıbe kóptep kezdesedi.

–Kandıdattardyń tikeleı efırge shyǵyp sóıleýi debat úshin tıimdi boldy. Bul oqıǵa qoǵamdyq talqylaý júrgizý men óz ustanymyn qorǵaı alýdyń mańyzdy ekenin kórsetti. Munda barlyq qatysýshynyń naqty tujyrymdalǵan máseleler tiziminiń bolǵanyn atap ótken jón, – dedi mınıstr.

Eske sala ketsek,  Prezıdenttikke úmitkerler arasynda televızıalyq pikirtalas ótkeni belgili. Onda kandıdattar úsh raýndta suraqtarǵa jaýap berip, óz baǵdarlamalaryn tanystyrdy. 

Usynǵan: Marjan Sábet