Keshe Almatyda «QazPressKlýb» baspasóz ortalyǵynda www.akalam.kz atty jańa ádebı saıttyń tanystyrylymy ótti jáne «Altyn qalam» ádebı júldesiniń jańa maýsymy jarıalandy. www.akalam.kz «Altyn qalam» ádebı júldesiniń resmı saıty. Konkýrsqa qatysatyn týyndylardyń barlyǵy atalǵan saıtta ornalastyrylady. Oqyrmandar daýys berý arqyly, baıqaý jeńimpazdaryn anyqtaýǵa at salysady. Ádebı júlde eki kezeńnen turady. Alǵashqyda saıtqa túsken shyǵarmalardy oqyrmandar iriktese, keıingi kezeńde qazylar jeńimpazdardy anyqtaıdy. Aıta ketetin jaıt, «Altyn qalam» ádebı júldesine jańa nomınasıalar engizildi. Bıyldan bastap qalamgerler óz jumystaryn «Jyldyń úzdik satırasy», «Jyldyń úzdik fantasıka nemese detektıv shyǵarmasy», «Jyldyń úzdik kınosenarıı jáne dramatýrgıasy» nomınasıalary boıynsha usyna alady. Sonymen qatar, bıyl «Demeýshi tańdaýy» atalymy engizildi.