Elbasynyń «Bolashaqqa baǵdar: rýhanı jańǵyrý» atty maqalasynda týǵan jerdi túletý týraly taǵylymdy oılar aıtylǵany belgili. Tipti, «Týǵan jer» jobasy da qolǵa alynyp, elimizdiń aýmaǵynda aýqymdy ister atqarylýda. Bul turǵyda jambyldyq kásipkerler de Áýlıeata óńirin damytýǵa ózindik úlesterin qosyp jatyr.

-«Týǵan jer» jobasynyń ereksheligi – ony júzege asyrýǵa óńirlerdi de belsendi tartýynda bolyp tur. Oblystar, shaǵyn qalalar, aýdan, qala berdi árbir eldi mekendi kórkeıtýge  umtylýda. Bul rette kásipkerdiń, mesanattardyń azamattyq belsendiligi bizge kóp kómegin tıgizip otyrǵanyn aıtqan jón. Týǵan jerge, onyń mádenıetine, salt-dástúrine degen súıispenshilik arqyly kórsetiletin patrıotızm – ulttyq-genetıkalyq kodtyń negizi.

Byltyr atalǵan «Týǵan jer» jobasy aıasynda Qazaqstan Respýblıkasynyń sport sheberi, áıelder arasynda bokstan kásipqoı Álem chempıony Fırýza Sharıpova óz bastamasymen eki múmkindigi shekteýli  bala tárbıelep otyrǵan Joldybaevtar januıasyna avtokólik syılady. Sondaı-aq ulttyq qundylyqtarymyzdy jańǵyrtý maqsatynda «Sháýshen» sharýa qojalyǵynyń basshysy Saırambaı Dónenbaevtyń demeýshiligimen  shaharda «Ǵıbrat» ortalyǵy ashyldy,-deıdi Taraz qalasynyń ákimi Qaırat Dosaev.

Osyndaı ıgi bastamalardyń jalǵasy retinde «Araıstroımarket» jaýapkershiligi shekteýli seriktestiginiń dırektory  Arman Edilbaev, «Áltaıs grýpp» jaýapkershiligi shekteýli seriktestiginiń dırektory Álimbek Jumabaev Taraz qalasynyń turǵyndary – Turǵanovtar jáne Ábilbashırovterdiń otbasyna páter kiltterin tabys etken.

Al, 2017 jyly «Kazfosfat» JSHS-niń bas dırektory, Qazaqstannyń Eńbek Eri Muqash Eskendirov óz qarajatyna «Myńbulaq» shaǵyn aýdanynda ámbebap zamanaýı sporttyq alańshasyn salyp berdi. Sporttyq alańshada bir mezgilde  25 bala sporttyń voleıbol, basketbol, shaǵyn fýtbol oınaýǵa jaǵdaı jasalǵan. Mundaı ıgi bastamalarǵa ún qosyp júretin mesanattar qatarynda qalalyq máslıhattyń depýtaty Rýslan Kanda bar. Ol «Samal» shaǵyn aýdanynda 25 jáne 30 úılerdiń aýlasyna beınekameralardy ornatyp berdi.

Sondaı-aq Taraz ınovasıalyq-gýmanıtarlyq ýnıversıtetiniń rektory Erbolat Saýryqov 12 talapkerge, onyń ishinde Taraz fýtbol klýbynyń  qosalqy quramynyń 9 fýtbolshysyna, 3 múmkindigi shekteýli azamattarǵa tegin oqý grantyn taǵaıyndady. Aıta ketý kerek, ózge kásipkerler de ıgilikti isten qalys qalyp jatqan joq.

Baqyt Jalǵas