2020 jyly Tokıoda ótetin Olımpıada jáne Paralımpıada oıyndarynyń qarsańynda Japonıanyń Tıba qalasynda erekshe jyljymaly meshit jasalyndy. Kólik ústindegi minájat orynynda 50-den astam adam bir ýaqytta namaz oqı alady dep jazady Qamshy.kz aqparat agenttigi.

Jyljymaly meshit jolda júrip bara jatqanda qarapaıym ǵana júk kóligi sıaqty kórinedi. Uzyndyǵy 12 metr, eni 2,5 metr. Degenmen, kólik toqtaǵan kezde qatparly tirkeme jaıylyp, jalpy kólemi 48 sharshy metrli meshit paıda bolady.

"Men býdda dinin ustanamyn. Degenmen, ózge dindegi adamdardyń qolaıly ári ońaı qulshylyq jasaǵanyn qaladym", - deıdi kólik ústindegi meshitti jasaý isi boıynsha qurylǵan komıtettiń tóraǵasy Iasýharý Inoe.

Jyljymaly meshittiń jasalýyndaǵy basty maqsat – elge kelgen qonaqtarǵa qolaıly jaǵdaı jasaý men erekshelikti kórsetý. Kóliktegi qulshylyq bólmesinde dáret alatyn sý men jeldetkish qarastyrylǵan.

Daıyndaǵan: Ádilet Mádenıet