Búgin meni prezıdent ákimshiligine kezdesýge shaqyrdy. Kezdesýdi prezıdent ákimshiligi basshysynyń orynbasary - Darhan Qaletaev bastady. Kezdesýge men, Darhan Qaletaev jáne QR Prezıdentiniń keńesshisi - Erlan Qarın qatysty.

Birneshe suraqtardy talqyladyq.
1. Meniń keshe jazǵan usynysym jaıly. Júzege asyrýdyń tehnıkasy men mehanızmin qalaı kórip tursyn dep surady. Men olarǵa óz kózqarasymdy aıtyp berdim. Azamattyq qoǵamda lıderler paıda bolý úshin sıezer men jınalystardy ashyq ótkizýge jáne barlyq qaýymdastyqtardyń "Saıası Jańǵyrtý jónindegi Ulttyq Keńeske" óz ókilderin tańdaýǵa múmkindik berý qajettigin aıttym. Olardyń tarapynan partıalardyń, prezıdenttikke burynǵy kandıdattardyń jáne Atameken ókilderiniń avtomatty túrde qatysýy týraly másele kóterildi. Men sol kezde bul keńeske degen senimniń joǵalatynyn aıttym. Men ár saıası partıalardan bir ókilden shyǵyp, usynýyna kelistim, biraq Atameken jáne prezıdenttikke usynylǵan burynǵy kandıdattar qaıtadan 10 myń qoldan jınap shyǵýyn talap ettim. Meniń oıymsha, bul ádil bolady. Keıbir kandıdattardyń bul sandy jınaı alatynyna kúmánim bar.

2. Qoldardy sanaý jáne tekserý jaıly. Meniń ustanymym boıynsha, tekserý komısıasyn 50/50 qatynasynda bılik pen azamattyq qoǵam ókilderinen qurý kerek. Azamattyq qoǵamnan biz ótken saılaýda prınsıpti jaǵynan ózderin jaqsy kórsetken belsendilerdi sol jerge jibere alamyz. Tekserý komısıasy azamattyq qoǵamnyń ókilderiniń qoldary men mandattaryn rastaǵannan keıin prezıdent "Saıası Jańǵyrtý jónindegi Ulttyq komısıanyń» jumysy bastalatynyn jarıalaıdy.

3. "Ulttyq komısıa" jumysy boıynsha. 
Men Ulttyq komısıanyń eń mańyzdy jáne qarastyratyn negizgi máselerdiń biri ol "Saılaý týraly zańǵa" ózgerister men tolyqtyrýlardy eńgizýi jáne QR Parlamentiniń saılaýyn uıymdastyrýy ekenin aıttym.

4. QR Parlamenti boıynsha. Men parlamenttiń kem degende 50% - y majorıtarlyq prınsıp boıynsha, al qalǵan 50% - y proporsıonaldy prınsıp boıynsha qalyptastyrylýy kerek degen pikirimdi bildirdim. Biraq bul jaǵdaıda da saılaýǵa kem degende eki jańa partıany jiberý múmkindigin engizý kerek.

Sondaı-aq, ákimshilik ister boıynsha raqymshylyq jasaý jáne mıtıńiler kezinde ustalǵandardy bosatý máselesi talqylandy. Maǵan: "zańda ákimshilik ister boıynsha raqymshylyq jasaý qarastyrylmaǵan" dep jaýap berdi. Olardyń aıtýy boıynsha, bul - saılaý kezindegi ýaqytsha shara, bılik búgin-erteń barlyq ustalǵandardy bosatady degen sóz aıtyldy.

Taǵy birneshe shaǵyn, tehnıkalyq máseleler talqylandy. Jalpy, men bılik tarapynan jaǵdaıdy ózgertýge degen nıetti kórdim. Men búkil prosesterdiń ádil jáne ashyq ótýin talap ettim. Negizinde, bılik tarapynan saıası reformalar qajet ekenin jáne olar pisip-jetildi degen túsinik bar. Suraq tek jyldamdyq pen tehnıkada ǵana.

 Marǵulan Seısembaı

"Feısbýk" paraqshasynan