Búgin tańerteń Arys qalasyndaǵy oq-dári saqtalǵan áskerı qoıma jarylyp, adamdar júktegen beınejazbalar jelidegilerdiń úreıin týǵyzdy dep jazady Qamshy.kz aqparat agenttigi.
Vıdeo avtorlarynyń aıtýynsha, jarylǵan oq-dárilerden úıdiń qabyrǵasy dirildegen. 40 avtobýs arnaıy turǵyndardy qaýipsiz jerlerge kóshirý úshin jumys jasaýda. 15 zalalsyzdandyrý pýnkti ashylyp, qala turǵyndary sol jerge jetkizilip jatyr.
"Bári qolynan kelgenshe jedel qashyp ketip jatyr. Barlyq jerde jol keptelisi. Qujattardy aldyq ta qashtyq. Arty ne bolatynyn bilmeımiz. Bir tileıtinimiz – amanshylyq bolsa eken. jarylystan qabyrǵamyz dirildep ketti. Bireýler Shymkentke, bireýler Túrkistanǵa ketip jatyr", - deıdi qala turǵyny.
Vıdeo avtory eldiń jylap júrgenin aıtyp, tilin kálımaǵa keltiredi. Bala jetektegen, etegi jelbiregen áıelder, abyr-sabyr bolǵan er kisiler, keptelis, snarád daýysy...
Al Qorǵanys mınıstrligi zardap shekkender men qaza tapqandardyń joqtyǵyn aıtyp baǵýda.
Pikir qaldyrý