Túrkistan oblysynyń ákimdigi "Bógen" sý qoımasynan túsirilgen beınejazba jarıalady dep habarlaıdy Qamshy.kz aqparat agenttigi. Osyǵan deıin, áleýmettik jelilerde sý qoımasynan keletin qater týraly, Arys qalasyn sý basý qaýpi týraly aqparat taraǵan bolatyn.

Atalmysh beınejazbany Túrkistan oblysy aýyl sharýashylyq basqarmasynyń basshysy Nurbek Badyraqov túsirgen.

"Sońǵy jaǵdaılarǵa baılanysty aıtar bolsam, "Bógen" sý qoımasyna qatysty taraǵan qaýesetterge baılanysty túsirilim jasap otyrmyz. "Bógen" sý qoımasynda barlyǵy tynysh, birqalypty jumys jasalynyp jatyr. Arys-Túrkistan magıstral kanalynan sharýalardy aǵyn sýmen qamtamasyz etý maqsatynda 47 m/s jyldamdyqpen sý bosatylyp jatyr. "Bógen" sý qoımasynan keletin eshqandaı qaýip joq", - delingen beınejazbada.