- Búgin Munaıly aýdanynyń sport ómirinde aıryqsha kún. Óıtkeni aýdannan alǵash ret osyndaı záýlim keshen ashylýda. Aldaǵy ýaqytta osy sport alańynda jattyqqan jasóspirimder arasynan bolashaq chempıondar shyǵatynyna senimdimin. Biz daryndy balalardyń kásibı sportpen aınalysyp, oıdaǵydaı daıyndyqtardan ótýi úshin qoldan kelgenniń bárin jasaımyz. Jeńis jolyndaǵy jalyndy jigerlerińizge jarqyn jetistik tileı otyryp, barlyq jarystar men saıystarda abyroı bıiginen kórinińizder, - dep aımaq basshysy óziniń jyly lebizin bildirdi.

Munaıly aýdanynyń Mańǵystaý aýylynda boı kótergen sport kesheni "Nort Kaspıan Opereıtıng Kompanı" mekemesiniń qoldaýymen salynǵan. Jobanyń jalpy quny 466,187 mln. teńgeni quraıdy. 160 kórermenge shaqtalǵan sport kesheniniń qurylys jumystary 2018 jyldyń mamyr aıynda bastalyp, aǵymdaǵy jyldyń maýsym aıynda tolyq aıaqtalǵan.