Ádilhan Makın "Slaván úmiti" prezıdenttik syılyǵyna ıe boldy dep habarlaıdy Qamshy.kz aqparat agenttigi Tengrinews.kz saıtyna silteme jasap.

Ánshi 15 shildede "Slaván bazary-2019" xalyqaralyq festıvaliniń jabylý saltanatynda Gran-Prı júldesimen birge Belarýs Respýblıkasynyń Prezıdenti Aleksandr Lýkashenko bıyl alǵash ret arnaıy taǵaıyndaǵan "Slaván úmiti" prezıdenttik syılyǵyna ıe boldy. Bul syılyq Ádilxan men kórermender úshin tosynsyı boldy.

"Slaván úmiti" (Slavánskaıa nadejda) syılyǵyn Belarýs memleketiniń basshysy vokaldyq turǵyda slaván mýzyka óneriniń taqyryby men mazmunyn bıik deńgeıde asha bilgen eń úzdik ánshiniń shyǵarmashylyǵyn qoldaý úshin taǵaıyndaǵan bolatyn. Belarýs prezıdentiniń arnaıy syılyǵyn Belarýs Respýblıkasy premer-mınıstriniń orynbasary Igor Petreshenko tabys etti.

Esterińizge sala ketsek, Qazaqstandyq Ádilhan Makın Vıtebskide ótken "Slaván bazary-2019" baıqaýynda bas júlde jeńip alǵan edi.