Azamattyq avıasıa komıteti meıramhana aldyna jas jubaılardy tikushaqpen alyp kelgen ushqyshty jumystan bosatty dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Birqatar qazaqstandyq BAQ-ta vıdeo jarıalandy, onda "Falcon Avia" JSHS-ǵa tıesili tikushaqty qondyrý sáti kórsetilgen. Osylaısha, Qazaqstan Respýblıkasy Investısıalar jáne damý mınıstriniń m. a. buıryǵymen bekitilgen Qazaqstan Respýblıkasynyń azamattyq avıasıasynda ushýdy júrgizý erejesiniń 423-tarmaǵynyń erejeleri saqtalmaǵan", - delingen Azamattyq avıasıa komıtetiniń habarlamasynda. 

Eldimeken aýmaǵyna qonǵan áýe kemesiniń kapıtany A. V. Matvıenko ushýdan shettetildi, sondaı-aq "Falcon Avia" JSHS ushýdy uıymdastyrý máselelerin tekserý úshin ınspeksıalyq komısıa jiberildi.

Osyǵan deıin, óz toılaryna erekshe kelýdiń ádisin oılap tapqan qazaqstandyq jas jubaılar ınternet qoldanýshylaryn tańǵaldyrǵan edi.