Túrkistan oblysynyń ákimi Ómirzaq Shókeevtiń arystyqtarmen birge bir aı bolýǵa bergen ýádesin dáleldeıtin jelide vıdeo paıda boldy, dep habarlaıdy Qamshy.kz aqparat agenttigi.

Bul vıdeony Túrkistan oblysy ákiminiń keńesshisi Sáken Qalqamanov Facebook-tegi paraqshasyna júktedi.

"Arys úılerinde qabyrǵalardy qyzǵylt túske boıaý qyzyq sán eken. Bul úıde bir aıdan beri Ómirzaq Shókeev Indýstrıa jáne ınfraqurylymdy damý vıse-mınıstri Qaıyrbek Óskenbaevpen jáne ákimniń birinshi orynbasary Qosman Aıtmuhambetovpen birge turyp jatyr", - dep jazdy ol.

Aldynda Shókeevtiń Saıram aýdanynda jumys saparymen bolyp, saban tıegen sýreti jelide paıda bolǵan. Sol kezde oǵan: "arystyqtarmen bir aı bolamyn degenińiz qaıda" dep syn taǵylyp edi. Jaýap ta kóp kúttirmedi.

Aıta ketsek, Túrkistan oblysy Arys qalasynda 24 maýsymda tańerteń qarý-jaraq qoımasy otqa oranyp, joıqyn jarylys bolǵan. Qoımadaǵy snadrádtar jan-jaqqa ushyp, aýyldy búldirip, úılerdi qıratqan. Tótenshe jaǵdaı rejımi jarıalanyp, aýyl halqy sol kúni evakýasıalandy. Al 28 maýsymda arystyqtar ortasyna túsken qalaǵa qaıta kóshirildi. Kóptegen úıler búlingen. Úkimet qalany dereý arada jóndeýge ýáde etti. Oblystardan kómek úzdiksiz aǵylýda. Al Túrkistan oblysynyń ákimi Ómirzaq Shókeev osynda bir aı boıy turyp, jóndeý jumystaryn qadaǵalaýǵa ýáde bergen edi.